ഷൂട്ടിനിടെ നടന് സാഗര് സൂര്യയ്ക്ക് പരിക്ക്. 'പ്രകമ്പനം' എന്ന ചിത്രത്തിന്റെ ആക്ഷന് രംഗം ചിത്രീകരിക്കുന്നതിനിടയിലാണ് താരത്തിന് പരിക്കേറ്റത്. പ്രാഥമിക ചികിത്സയ്ക്കായി സാഗറിനെ ആശുപത്രിയില് പ്രവേശിപ്പിച്ചു. സാഗര് സൂര്യ തന്നെയാണ് വിവരം സമൂഹമാധ്യമങ്ങളിലൂടെ പങ്കുവച്ചത്.
എറണാകുളത്ത് ചിത്രീകരണം പുരോഗമിക്കുന്ന 'പ്രകമ്പന'ത്തില് ഗണപതിയും ഒരു പ്രധാനകഥാപാത്രത്തെ അവതരിപ്പിക്കുന്നുണ്ട്. ഹൊറര്- കോമഡി എന്റര്ടെയ്നറായാണ് ചിത്രം ഒരുങ്ങുന്നത്.
അമീന്, അസീസ് നെടുമങ്ങാട്, മല്ലിക സുകുമാരന്, അനീഷ് ഗോപാല് തുടങ്ങിയവരും ചിത്രത്തിലുണ്ട്. 'നദികളില് സുന്ദരി യമുന' എന്ന ചിത്രത്തിനുശേഷം വിജേഷ് പാണത്തൂര് സംവിധാനം ചെയ്യുന്ന ചിത്രമാണ് 'പ്രകമ്പനം'.