പോർഷെയുടെ സ്പോർട്സ് കാർ സ്വന്തമാക്കി പൃഥ്വിരാജ് ; വില 3.20 കോടി

പോർഷെയുടെ സ്പോർട്സ് കാർ സ്വന്തമാക്കി പൃഥ്വിരാജ്. പോർഷെ 911 ജിടി 3 ടൂറിങ് മാനുവൽ ഗിയർബോക്സാണ് താരം സ്വന്തമാക്കിയത്. മാനുവൽ ഗിയർബോക്സ് കാറുകൾ ഇഷ്ടപ്പെടുന്ന ആളുകളാണ് പോർഷെ 911 മാനുവൽ മോഡൽ വാങ്ങാറുള്ളത്.. പോർഷെ 911 ജിടി 3 ടൂറിങ് മാനുവൽ ലഭിക്കാന്‍ ബുക്ക് ചെയ്താൽ ഏറെ നാൾ കാത്തിരിക്കണം ‍. ഇന്ത്യയിൽ വളരെ കുറച്ചു പേർക്ക് മാത്രമാണ് ഇതിന്റെ മാനുവൽ മോ‍ഡൽ സ്വന്തമായുള്ളത്. 

ഏകദേശം അഗാപ്പേ ഗ്രേ നിറത്തിലുള്ള കാറിന്റെ അടിസ്ഥാന എക്സ്ഷോറൂം വില 3.20 കോടി രൂപയാണ്. ഉടമകളുടെ താൽപര്യത്തിന് അനുസരിച്ചുള്ള കസ്റ്റമൈസേഷൻ കൂടി ആകുമ്പോൾ വില വർധിക്കും. നാലു ലീറ്റർ പെട്രോൾ എൻജിനാണ്. 510 പിഎസ് പവറും 470 എൻഎം ടോർക്കുമുണ്ട്. നൂറ് കിലോമീറ്റർ വേഗം കൈവരിക്കാൻ വെറും 3.4 സെക്കൻഡ് മാത്രം മതി.

നേരത്തെ 911 കാബ്രിയോലെ കൺവേട്ടബിൽ മാനുവൽ ഗിയർബോക്സ് പൃഥ്വിരാജിനുണ്ടായിരുന്നു. വെള്ളനിറത്തിലുള്ള കാറിന് ചുവപ്പ് റൂഫായിരുന്നു. എന്തായാലും വാഹനപ്രേമികളില്‍ മുന്‍നിരയിലുള്ള താരത്തിന്‍റെ ഗ്യാരേജിലേക്ക് ഒരു ആഡംബര  വാഹനം കൂടി എത്തുകയാണ്.