mea-019

മലയാള സിനിമയുടെ നിറപ്പകിട്ടാർന്ന ലോകത്ത്, തലയെടുപ്പോടെ നിൽക്കുന്ന അവാർഡ് ഷോയാണ്  'മഴവിൽ എന്റര്‍ടെയിന്‍മെന്റ് അവാർഡ്‌സ്'. മലയാള സിനിമയുടെ ഏറ്റവും വലിയ ആഘോഷം എന്ന സ്ഥാനം ഉറപ്പിച്ചുകൊണ്ട്, 2023-ൽ അവാർഡ് വേദി, പോയ വർഷങ്ങളേക്കാൾ ഗംഭീരമാകാൻ ഒരുങ്ങുകയാണ്. 1 കോടിയിലധികം ടെലിവിഷൻ കാഴ്ചക്കാരുള്ള ഈ മെഗാ ഷോ, മലയാള സിനിമയുടെ കടുത്ത ആരാധകർക്കുള്ള മനസ്സറിഞ്ഞ സമർപ്പണമാണ്.  അമ്മ (അസോസിയേഷൻ ഓഫ് മലയാളം മൂവി ആർട്ടിസ്റ്റ്‌സ്) യുടെ പങ്കാളിത്തത്തോടെ നടക്കുന്ന മഴവിൽ എന്റര്‍ടെയിന്‍മെന്റ് അവാർഡ്‌സ് 2023ൽ, കേരളത്തിലെ  പ്രമുഖ സൂപ്പർതാരങ്ങൾ ഉൾപ്പെടെ 120-ലധികം കലാകാരന്മാർ അണിനിരക്കുന്നു.

സൂപ്പർ താരങ്ങളായ മോഹൻലാലിനും മമ്മൂട്ടിക്കും ഒപ്പം സംവിധായകൻ ഫാസിലും ഒരുമിച്ച പ്രൊമോഷണൽ വീഡിയോ, സോഷ്യൽ മീഡിയയിൽ അക്ഷരാർത്ഥത്തിൽ കൊടുങ്കാറ്റായി മാറി. അതിനാൽതന്നെ, ഏറെ പ്രതീക്ഷയോടെയാണ് ആരാധകർ അവാർഡ് ഷോയുടെ സംപ്രേക്ഷണത്തിനായി കാത്തിരിക്കുന്നത്.  

'മഴവിൽ എന്റര്‍ടെയിന്‍മെന്റ് അവാർഡ്‌സ്' മികച്ച പ്രകടനം നടത്തുന്നവരെ ആദരിക്കുക മാത്രമല്ല ചെയ്യുന്നത്. അതിലുമപ്പുറം മറ്റെവിടെയും കാണാൻ കഴിയാത്ത, താര സമ്പന്നവും വൈവിധ്യം നിറഞ്ഞതുമായ  വിനോദപരിപാടികൾ അവാർഡ് ഷോയുടെ പ്രത്യേകതയാണ്. ചടുലമായ നൃത്തചുവടുകൾ മുതൽ, രസകരമായ കോമഡി സ്‌കിറ്റുകളും, മറ്റ് ആകർഷകമായ വിരുന്നുകളും പ്രേക്ഷകർക്ക് ആസ്വദിക്കാൻ സാധിക്കും.

'മഴവിൽ എന്റര്‍ടെയിന്‍മെന്റ് അവാർഡ്‌സ് 2023'-ന് സ്പോൺസർമാരിൽ നിന്ന് വലിയ പിന്തുണ തന്നെയാണ് ലഭിച്ചിരിക്കുന്നത്. പ്രെസെൻറ്റിങ് സ്പോൺസർ സ്‌ഥാനം കെ. എൽ. എം ആക്‌സിവ ഫിൻ‌വെസ്റ്റും, ടൈറ്റിൽ സ്പോൺസർ സ്ഥാനം മലബാർ ഗോൾഡ് ആൻഡ് ഡയമണ്ട്‌സും നിർവഹിക്കുന്നു. കോ- പവേർഡ് സ്‌പോൺസർമാർ - ഇംപെക്സ്, മഞ്ച്.  കൂടാതെ മെഡിമിക്‌സ്, സൈലം  പി.എസ്.സി, ഓക്‌സിജൻ ദി ഡിജിറ്റൽ എക്സ്പെർട്ട്, എ.വി.ടി പ്രീമിയം ടീ, കിവി പ്രീമിയം ഐസ്ക്രീം, നമ്പീശൻസ് ജിൻജലി ഓയിൽ, ക്വാളിറ്റി ഫുഡ് പ്രോഡക്ട്സ്, പിട്ടാപ്പിള്ളിൽ ഏജൻസിസ്‌, ഫിയാമ, തുടങ്ങിയവർ പാർട്ട്ണർമാർ ആകുന്നു.

ഈ അസാധാരണമായ ആഘോഷം നിങ്ങൾക്കും സാക്ഷ്യം വഹിക്കാം, ഓഗസ്റ്റ് 19, 20 തീയതികളിൽ വൈകുന്നേരം 6:30 മുതൽ മഴവില്‍ മഴവിൽ മനോരമയിൽ.  മലയാള സിനിമയുടെ ഏറ്റവും വലിയ ആഘോഷത്തിലേക്ക് നിങ്ങളെയും ക്ഷണിക്കുന്നു. 

മനോരമ മാക്സിലും 'മഴവിൽ എന്റര്‍ടെയിന്‍മെന്റ് അവാർഡ്‌സ് 2023' കാണാം സന്ദര്‍ശിക്കുക >> manoramamax.com