പുഷ്പയിലെ സാമി സാമി പാട്ടിന് ഇനി ചുവട് വയ്ക്കില്ലെന്ന് നടി രശ്മിക മന്ദാന. കുറെയേറെ തവണ സാമി സാമിയ്ക്ക് നൃത്തം ചെയ്തുകഴിഞ്ഞെന്നും പ്രായമാകുമ്പോള് നടുവേദന വരുമെന്നും നടി പറയുന്നു. ട്വിറ്ററിൽ ആസ്ക് മി എനിതിങ് എന്ന സെക്ഷനില് ആരാധകന്റെ ചോദ്യത്തോടായിരുന്നു മറുപടി.
നേരിട്ട് കാണുമ്പോള് താരത്തിനൊപ്പം സാമി സാമി പാട്ടിന് ചുവടുവെയ്ക്കാന് പറ്റുമോ എന്നായിരുന്നു ആരാധകന്റെ ചോദ്യം. 'ഇതിനോടകം തന്നെ ഒരുപാട് തവണ സാമി സാമി സ്റ്റെപ്പ് കളിച്ചു. ഇനിയും ആ ചുവട് വെച്ചാൽ ഭാവിയിൽ നടുവേദന വരുമെന്നാണ് തോന്നുന്നത്. നേരിട്ട് കാണുമ്പോൾ മറ്റെന്തെങ്കിലും ചെയ്യാം'- താരത്തിന്റെ മറുപടി.
550 മില്യൺ വ്യൂസ് ആണ് യൂട്യൂബിൽ മാത്രം സാമി സാമി പാട്ടിനുള്ളത്. 2021 ഡിസംബറില് പുഷ്പയുടെ റിലീസിന് ശേഷം നിരവധി വേദികളില് രശ്മിക തന്നെ പാട്ടിന് ചുവടുകള് വെച്ചിരുന്നു. മലയാളം സിനിമകള് ഇഷ്ടമാണോ, എന്നാണ് അഭിനയിക്കുക എന്ന ആരാധകന്റെ ചോദ്യത്തിന് മലയാളം സിനിമകള് അത്രയ്ക്കും ഇഷ്ടമാണെന്നായിരുന്നു താരത്തിന്റെ മറുപടി.
Rashmika Mandanna refuses to do saami saami dance anymore