ഇതാ ആ പേരെത്തി; മോഹന്ലാല്-ലിജോ പെല്ലിശ്ശേരിയുടെ ‘മലൈക്കോട്ടൈ വാലിബൻ’
ദിവസങ്ങൾ നീണ്ട സസ്പെൻസ് പൊളിച്ച് മോഹന്ലാല്-ലിജോ ജോസ് പെല്ലിശ്ശേരി ടീമിന്റെ സിനിമയുടെ പേരെത്തി. ‘മലൈക്കോട്ടൈ വാലിബൻ’ എന്നാണ് ചിത്രത്തിന് പേരിട്ടിരിക്കുന്നത്. വ്യത്യസ്തമായ രീതിയിലായിരുന്നു ടൈറ്റിൽ പ്രഖ്യാപനം.
രാജസ്ഥാന് പ്രധാന ലൊക്കേഷനായി ചിത്രീകരിക്കുന്ന സിനിമയില് ഒരു ഗുസ്തിക്കാരന്റെ വേഷത്തിലാകും മോഹന്ലാല് എത്തുക എന്ന അഭ്യൂഹവും സിനിമപ്രേമികള്ക്കിടയില് പ്രചരിക്കുന്നുണ്ട്. മോഹന്ലാല് -ലിജോ ടീമില് അണിയറയില് ഒരുങ്ങുന്നത് ഒരു വമ്പന് ചിത്രം ആയിരിക്കുമെന്ന് നടന് പൃഥ്വിരാജും കഴിഞ്ഞദിവസം പറഞ്ഞിരുന്നു.
ജനുവരി 10ന് സിനിമയുടെ ചിത്രീകരണം ആരംഭിക്കും. ഏകദേശം രണ്ടര മാസത്തോളം രാജസ്ഥാൻ ഷെഡ്യൂൾ നീണ്ടുനിൽക്കും. ലിജോ ജോസ് പെല്ലിശ്ശേരിയുടെ കരിയറിലെയും ഏറ്റവും വലിയ സിനിമയാകും ഇത്. ജോൺ ആൻഡ് മേരി ക്രിയേറ്റീവ്, മാക്സ് ലാബ്സ്, സെഞ്ച്വറി ഫിലിംസ് എന്നിവർ ചേർന്നാണ് ചിത്രം നിർമിക്കുന്നത്.
