മോഹന്ലാലിനെ നായകനാക്കി ബി.ഉണ്ണികൃഷ്ണൻ സംവിധാനം ചെയ്യുന്ന ആറാട്ടിന്റെ ഔഗ്യോഗിക പോസ്റ്റർ പുറത്ത്. മുണ്ട് മടക്കിക്കുത്തി, ഒരങ്കത്തിന് തയ്യാറെടുത്തു നിൽക്കുന്ന 'നെയ്യാറ്റിൻകര ഗോപൻ' ആണ് പോസ്റ്ററിൽ. മോഹൻലാലിന്റെ ഔദ്യോഗിക ഫെയ്സ്ബുക്ക് പേജിലൂടെയാണ് പോസ്റ്റർ പുറത്തുവിട്ടത്. മാടമ്പി, ഗ്രാൻഡ് മാസ്റ്റർ തുടങ്ങിയ സിനിമകൾക്ക് ശേഷം മോഹൻലാലും ബി ഉണ്ണികൃഷ്ണനും ഒന്നിക്കുന്ന ചിത്രമാണിത്. ഉദയകൃഷ്ണയാണ് തിരക്കഥ. ശ്രദ്ധ ശ്രീനാഥാണ് നായിക.
നെയ്യാറ്റിൻകര ഗോപൻ എന്ന കഥാപാത്രമായാണ് ‘ആറാട്ടി’ൽ മോഹൻലാൽ എത്തുന്നത്. ആക്ഷൻ, കോമഡി വിഭാഗത്തില് പെടുന്ന ചിത്രമായിരിക്കുമെന്നാണ് റിപ്പോർട്ടുകൾ. മോഹൻലാൽ ഉപയോഗിക്കുന്ന കറുത്ത ബെൻസ് കാറും ചിത്രത്തിലെ ഹൈലൈറ്റാണ്. ‘രാജാവിന്റെ മകനി’ലെ മാസ് ഡയലോഗ് ഓർമിപ്പിക്കാനെന്ന വണ്ണം ഈ കാറിനും കാറിനും 2255 എന്ന നമ്പറാണു നൽകിയിരിക്കുന്നത്.
നെടുമുടി വേണു, സായ്കുമാർ, സിദ്ദിഖ്, വിജയരാഘവൻ, ജോണി ആന്റണി, ഇന്ദ്രൻസ്, രാഘവൻ, നന്ദു, ബിജു പപ്പൻ, ഷീല, സ്വാസിക, മാളവിക, രചന നാരായണൻകുട്ടി തുടങ്ങിയവരും മറ്റ് കഥാപാത്രങ്ങളെ അവതരിപ്പിക്കുന്നു.