ഇൗ കരങ്ങളിൽ തേര് സുരക്ഷിതം: ഇടത് വിജയത്തെ വാഴ്ത്തി റോഷൻ ആൻഡ്രൂസ്
തദ്ദേശ തിരഞ്ഞെടുപ്പിൽ ഉജ്വല മുന്നേറ്റം നടത്തിയ ഇടതുമുന്നണിക്ക് അഭിനന്ദനങ്ങളുമായി സംവിധായകൻ റോഷൻ ആൻഡ്രൂസ്. അദ്ധ്വാനിക്കുന്നവന്റെ തത്വശാസ്ത്രത്തെ തോൽപ്പിക്കാനാവില്ലെന്നും ദുരിതകാണ്ഡങ്ങളെ നേരിട്ടപ്പോൾ ഒപ്പം നിന്ന് പകർന്ന ധൈര്യം മലയാളി മറക്കില്ലെന്നും റോഷൻ പറയുന്നു.
റോഷൻ ആൻഡ്രൂസിന്റെ വാക്കുകൾ:
അഭിനന്ദനങ്ങൾ
അറിയാമായിരുന്നു..... പേമാരിയിൽ മങ്ങുന്ന നിറമല്ല ചുവപ്പെന്ന്.
അറിയാമായിരുന്നു.... അദ്ധ്വാനിക്കുന്നവന്റെ തത്വശാസ്ത്രത്തെ തോൽപ്പിക്കാനാവില്ലെന്ന്
അറിയാമായിരുന്നു..... മലയാളിക്ക് മറക്കാവുന്നതല്ല ദുരിതകാണ്ഡങ്ങളെ നേരിട്ടപ്പോൾ ഒപ്പം നിന്ന് പകർന്ന ധൈര്യമെന്ന്
അറിയാമായിരുന്നു.... സാരഥിയുടെ കരങ്ങളിൽ തേര് സുരക്ഷിതമെന്ന്
അറിയാമായിരുന്നു... ഈ ചെങ്കോട്ടയുടെ കരുത്ത്
ഈ കൊടിയടയാളത്തിലെ സത്യം
ഈ ചുവപ്പൻ വിജയം!
