മകന്റെ സർപ്രൈസിൽ ഞെട്ടുക മാത്രമല്ല നവ്യ നായരുടെ കണ്ണു വരെ നിറഞ്ഞുപോയി. ഒരു അമ്മയെ സംബന്ധിച്ചടത്തോളം മറക്കാനാകാത്ത നിമിഷങ്ങളാണ് മകൻ ഒരുക്കിവച്ചത്. ആ കഥ നവ്യ തന്നെ പ്രേക്ഷകര്ക്കായി പങ്കുവച്ചു.
മകൻ സായ് കൃഷ്ണയെ പരീക്ഷയ്ക്ക് കണക്ക് പഠിപ്പിക്കാൻ അടുത്ത് പിടിച്ചിരുത്തിയതായിരുന്നു നവ്യ നായർ. എന്നാൽ പഠിത്തത്തിനിടയിൽ ഇടയ്ക്കിടെ മകൻ അസാധാരണമായി മുകളിലത്തെ നിലയിലേക്ക് പോകുന്നത് നവ്യ ശ്രദ്ധിച്ചിരുന്നു. അത് നവ്യയെ തീർത്തും അസ്വസ്ഥയാക്കി.
രാത്രി എട്ട് മണി വരെ തീർത്തും സാധാരണമായി തോന്നിയ ദിവസത്തിൽ പെട്ടെന്നാണ് പ്രതീക്ഷിക്കാത്ത കാര്യങ്ങൾ അരങ്ങേറിയത്. മുകളിലത്തെ നിലയിൽ അത്രയും നേരം മകൻ ഓടിക്കയറിയതും അതിനായിരുന്നു.
മുകളിൽ ഒരു പിറന്നാൾ ആഘോഷത്തിനുള്ള അലങ്കാര പണികൾ നടക്കുകയായിരുന്നു. പിറന്നാൾ നക്ഷത്രം വരുന്ന ദിവസം, തീർത്തും അപ്രതീക്ഷിതമായി, നവ്യയെ തേടി ആ സർപ്രൈസ് വരികയായിരുന്നു.
നവ്യയുടെ പിറന്നാൾ ആഘോഷിക്കാൻ അച്ഛനും അമ്മയും എത്തിയതും മകൾ അറിഞ്ഞിരുന്നില്ല. എല്ലാത്തിനും ചുക്കാൻ പിടിച്ച മകൻ അപ്പോൾ സന്തോഷിക്കുകയായിരുന്നു.
വർഷങ്ങളായി ഒക്ടോബർ 14നാണ് ഞാൻ പിറന്നാൾ ആഘോഷിച്ചിരുന്നത്. എന്നാൽ സായിക്ക് അത് പിറന്നാൾ നക്ഷത്രം വരുന്ന ദിവസം തന്നെ ആഘോഷിക്കണമെന്ന് നിർബന്ധമായിരുന്നു.’–നവ്യ നായർ പറഞ്ഞു. ഇത്രയും നല്ലൊരു നിമിഷം സമ്മാനിച്ച സന്ധ്യ, കീർത്തന എന്നിവർക്കും നവ്യ നന്ദി പറയുന്നു. അപ്രതീക്ഷിതമായി നടന്ന പിറന്നാൾ ആഘോഷത്തിന്റെ വിഡിയോയും നടി പങ്കുവച്ചു.