വീണ്ടും രാധിക ആപ്തെയുടെ കിടപ്പറ രംഗങ്ങള് പുറത്ത്; മനോവൈകൃതമെന്ന് തുറന്നടിച്ച് നടി
വീണ്ടും രാധിക ആപ്തെയുടെ കിടപ്പറ ദൃശ്യങ്ങൾ ഇന്റർനെറ്റിൽ പ്രചരിക്കുന്നു. രാധികയുടെ ആദ്യ ഹോളിവുഡ് ചിത്രം ‘ദി വെഡിങ് ഗസ്റ്റിലെ’ ദൃശ്യങ്ങളാണ് പ്രചരിക്കുന്നത്. സ്ലംഡോഗ് മില്ല്യനിയറിലൂടെ പ്രശസ്തനായ ദേവ് പട്ടേലിനൊപ്പമുള്ള നഗ്നരംഗങ്ങളാണ് വൈറലാകുന്നത്. സമൂഹത്തിന്റെ ലൈംഗികതയോടുള്ള രോഗാതുരമായ കാഴ്ചപ്പാടാണ് ഇത്തരം വൈറൽ രംഗങ്ങൾക്ക് പിന്നിലെന്ന് രാധിക ആപ്തെ തുറന്നടിച്ചു. ചിത്രത്തിൽ ഒരുപാട് മനോഹരമായ രംഗങ്ങളുണ്ടായിട്ടും ഇതു തന്നെ പ്രചരിച്ചത് മനോവൈകൃതത്തിന്റെ പ്രതിഫലനമാണ്. ഞാനും ദേവ് പട്ടേലും ഒരുമിച്ച് അഭിനയിച്ച രംഗമാണ്. എന്നാൽ പ്രചരിക്കുന്നത് രാധിക ആപ്തെയുടെ ഹോട്ട് സീൻ എന്ന പേരിലാണ്. എന്തുകൊണ്ട് ദേവിന്റെ രംഗങ്ങൾ എന്ന രീതിയിൽ പ്രചരിക്കുന്നില്ലയെന്നും നടി ചോദിച്ചു.
കഴിഞ്ഞ മാര്ച്ച് ഒന്നിനാണ് ദ വെഡ്ഡിംഗ് ഗസ്റ്റ് യു.എസില് റിലീസ് ചെയ്തത്. ഇതിന് മുൻപും രാധികയുടെ ഇത്തരം രംഗങ്ങൾ പ്രചരിച്ചിട്ടുണ്ട്. നേരത്തെ പാര്ച്ച്ഡ് എന്ന ചിത്രത്തിലെ ആദില് ഹുസൈനിനൊപ്പമുള്ള രംഗങ്ങള് ചോര്ന്നിരുന്നു. ഇത് വലിയ വിവാദത്തിന് വഴിവയ്ക്കുകയും ചെയ്തു. ഇത് രാധിക ആപ്തെയുടെ നഗ്ന വീഡിയോ എന്ന പേരില് പ്രചരിപ്പിച്ചതിനെതിരേ രൂക്ഷവിമര്ശനവുമായി ആദില് ഹുസൈന് രംഗത്ത് വരികയും ചെയ്തിരുന്നു.