വ്യവസായി മുകേഷ് അംബാനിയുടെ ഏകമകൾ ഇഷ അംബാനിയും പിരാമൽ ഗ്രൂപ്പ് ഉടമയുടെ മകനുമായ ആനന്ദ് പിരാമലിന്റെ വിവാഹസമയത്ത് ഏറ്റവുമധികം ചർച്ചയായത് 'അന്റിലിയ' എന്ന ആഡംബര വീടായിരുന്നു. ലോകത്തിലെ ഏറ്റവും വിലയേറിയ രണ്ടാമത്തെ വീടാണ് ഇഷയുടേത്.
വിവാഹശേഷം ഇഷയുടെ പുതിയ വീടാണ് വാർത്തകളിലിടം നേടുന്നത്. 50,000 ചതുരശ്ര അടി വിസ്തീർണമുണ്ട് 'ഗുലീറ്റ'ക്ക്. 2012ൽ ഹിന്ദുസ്ഥാൻ യൂണിലിവറിൽ നിന്ന് 450 കോടി രൂപക്കാണ് പിരാമൽ കുടുംബം ഈ വീട് വാങ്ങിയത്. വിവാഹശേഷം ആനന്ദിനും ഇഷക്കും ആനന്ദിന്റെ മാതാപിതാക്കള് വീട് സമ്മാനിക്കുകയായിരുന്നു.
മുംബൈയിലെ വർലിയിലാണ് വീട്. ഡയമണ്ട് തീമിനെ അടിസ്ഥാനമാക്കിയാണ് വീടിന്റെ നിര്മാണം. വിവാഹത്തിന് മുൻപ് ആയിരത്തോളം ആളുകൾ 24 മണിക്കൂറും ജോലി ചെയ്താണ് വീട് മോടി പിടിപ്പിച്ചത്.
അഞ്ച് നിലയുള്ള വീട്ടിലെ എല്ലാ അലങ്കാര വസ്തുക്കളും ഇന്റീരിയർ ഉപകരണങ്ങളും വിദേശരാജ്യങ്ങളിൽ നിന്ന് ഇറക്കുമതി ചെയ്തവയാണ്. ഡയമണ്ട് മുറിയാണ് വീടിന്റെ പ്രധാന ആകർഷണം. ത്രീഡി നിർമാണ സാങ്കേതിക വിദ്യ ഉപയോഗിച്ചാണ് വീട് ഡിസൈൻ ചെയ്തിരിക്കുന്നത്. ഷാൻലിയർ വിളക്കുകൾ അകത്തളങ്ങളെ കൂടുതൽ മനോഹരമാക്കുന്നു എന്നതാണ് മറ്റൊരു പ്രത്യേകത..
ഏറ്റവും താഴത്തെ നിലയിൽ മനോഹരമായ പൂന്തോട്ടവും മൾട്ടി പർപസ് റൂമുമുണ്ട്. ഒന്നാം നിലയിൽ രണ്ട് ഓപ്പൺ ബാൽക്കണികളാണുള്ളതെന്നതാണ് പ്രധാന ആകർഷണം. ഇരുപതോളം കാറുകൾ പാർക്ക് ചെയ്യാനുള്ള സൗകര്യവും ഒരുക്കിയിട്ടുണ്ട്. ഗ്രൗണ്ട് ഫ്ളോറിലാണ് ഡൈനിങ് ഹാളും മാസ്റ്റർ ബെഡ്റൂമുള്ളത്.