ബിഎംഡബ്ല്യു 7 സിരീസ് സ്വന്തമാക്കി ദിലീപ്; താക്കോലേറ്റുവാങ്ങി അമ്മ; ചിത്രങ്ങൾ
വിവാദങ്ങൾക്കും പുതിയ സിനിമായാത്രകൾക്കുമിടയിൽ ഇഷ്ടവാഹനം സ്വന്തമാക്കി ദിലീപ്. ആഡംബരവാഹനമായ ബിഎംഡബ്യൂ 7 സീരീസ് ആണ് താരം ഇപ്പോൾ സ്വന്തമാക്കിയത്. ദിലീപും അമ്മയും ചേർന്നാണ് വാഹനത്തിന്റെ താക്കോൽ ഏറ്റുവാങ്ങിയത്. ഫ്രൊഫസർ ഡിങ്കൻ എന്ന സിനിമയുടെ ചിത്രീകരണത്തിരക്കിലാണ് ദിലീപ് ഇപ്പോൾ.
ഉടൻ തീയറ്ററിലെത്തുന്ന കോടതിസമക്ഷം ബാലൻ വക്കീൽ എന്ന ചിത്രത്തിന്റെ ട്രെയിലറിന് വൻവരവേൽപ്പാണ് സമൂഹമാധ്യമങ്ങളിൽ. ബി. ഉണ്ണികൃഷ്ണനും ദിലീപും ആദ്യമായി ഒന്നിക്കുന്ന ചിത്രം കോമഡി എന്റർടെയ്നറാണ്. പ്രിയ ആനന്ദ്, സുരാജ് വെഞ്ഞാറമൂട്, സൈജു കുറുപ്പ്, ബിന്ദു പണിക്കർ, പ്രഭാകർ, സിദ്ദിഖ് തുടങ്ങി വലിയ താരങ്ങളാണ് ചിത്രത്തിൽ അണിനിരക്കുന്നത്.പ്രമുഖ ബോളിവുഡ് നിര്മ്മാണ കമ്പനിയായ വയകോം 18 മോഷന് പിക്ചേര്സാണ് ഈ ചിത്രം നിർമിക്കുന്നത്. മലയാളത്തിലേയ്ക്കുള്ള വയകോം 18 മോഷന് പിക്ചേര്സിന്റെ അരങ്ങേറ്റ ചിത്രമാണിത്.