മകന് പ്രണവും തന്നെ പോലെ സിനിമയില് പെട്ടു പോയതാണെന്ന് മോഹന്ലാല്. അഭിനയിക്കാന് ഒട്ടും താത്പര്യമില്ലായിരുന്നുവെന്നും പെട്ടുപോയി എന്നുമാണ് ആദ്യം പറഞ്ഞതെന്നും മോഹന്ലാല് വെളിപ്പെടുത്തുന്നു. വനിതയ്ക്ക് നല്കിയ അഭിമുഖത്തില് സംസാരിക്കുകയായിരുന്നു താരം. ‘പ്രണവിന് അഭിനയിക്കാന് അത്ര താത്പര്യമില്ലായിരുന്നു. പെട്ടുപോയി എന്നാണ് ആദ്യം പറഞ്ഞിരുന്നത്. സാവധാനം സിനിമയിലേക്ക് വരികയാണ്, ഇനി ഇഷ്ടപ്പെട്ടു തുടങ്ങണം. ഞാനും സിനിമയില് പെടുകയായിരുന്നു. ആദ്യമെല്ലാം അഭിനയിക്കാന് എനിക്കും ഇഷ്ടമില്ലായിരുന്നു, പിന്നെ ആ ഒഴുക്കില് പെട്ടുപോയി..’ മോഹന്ലാല് പറയുന്നു.
പ്രണവിന്റെയൊക്കെ തലമുറയ്ക്ക് ഏറെ സാധ്യതകളുണ്ട്. കൂടുതല് യാത്ര ചെയ്യാനൊക്കെ മകന്റെ പ്രായത്തില് താനും ആഗ്രഹിച്ചിരുന്നു. പല കാരണങ്ങള് കൊണ്ട് കഴിയാതെ പോയി. പ്രണവിന്റെ യാത്രകള് കാണുമ്പോള് തനിക്കും സന്തോഷം തോന്നാറുണ്ടെന്നും മോഹന്ലാല് പറയുന്നു.
ഇപ്പോള് പ്രിയദര്ശന്റെ കുഞ്ഞാലി മരക്കാരുടെ ജീവിതം പറയുന്ന ചരിത്ര സിനിമയിലാണ് മോഹന്ലാല് അഭിനയിക്കുന്നത്. സിനിമയില് മോഹന്ലാലിന്റെ ചെറുപ്പകാലം അവതരിപ്പിക്കുന്നത് പ്രണവാണ്. മധു, അര്ജുന് സാര്ജ, സുനില് ഷെട്ടി, മഞ്ജു വാര്യര്, കീര്ത്തി സുരേഷ്, കല്യാണി പ്രിയദര്ശന്, എന്നിവരും ചിത്രത്തില് അഭിനയിക്കുന്നുണ്ട്. ഹൈദരാബാദിലെ രാമോജി ഫിലിം സിറ്റിയില് ചിത്രീകരണം തുടരുകയാണ്.