സോളര് കേസില് സര്ക്കാരിന് വര്ണക്കടലാസില് പൊതിഞ്ഞുകിട്ടിയ മൂന്നാലുകെട്ടുകളുണ്ടല്ലോ. അതിനുള്ളിലെ റിപ്പോര്ട്ടിനെകുറിച്ച് വീണ്ടും നിയമോപദേശം തേടും. അങ്ങ് ഡല്ഹിയില് പിടിപാടുള്ള അരിജിത് പസായത്തോ നന്ദഗോപാല് മാരാരോ ആരെങ്കിലുമായിരിക്കും ഉപദേശികള്. അവസാനം നിമിഷംവരെ പിടിച്ചുനില്ക്കുന്ന ആ ഉമ്മന്ചാണ്ടിക്ക് ഇതൊക്കെ കാണുമ്പോള് കിട്ടുന്ന സന്തോഷമുണ്ടല്ലോ. പറഞ്ഞറിയിക്കാന് വയ്യ.
ആ വന്നേട്ടത്തിനുവേണ്ടിയാണ് ഇനി പിണറായി വിജയന്റെ യാത്ര. അതിനുവേണ്ടി ഏതറ്റംവരെയും പോകും. പക്ഷെ, ആ കുമ്മനത്തിന്റെ യാത്ര തകര്ക്കാന് കാട്ടിയ ഉല്സാഹമൊന്നും മതിയാവില്ല. നല്ലോണം കഷ്ടപ്പെടേണ്ടിവരും. അതിന് തുടക്കമെന്നൊണം അമിത് ഷാജിയുടെ വെല്ലുവിളി പിണറായി വിജയനും കോടിയേരിയും സ്വീകരിച്ചുകഴിഞ്ഞു. വികസനത്തിന്റെ പേരില് പരസ്യചര്ച്ച ആരംഭിക്കുകയാണ്.