'ഐശ്വര്യ പൊന്നോണം' എന്ന ഓണപ്പാട്ടുമായി ചിങ്ങത്തെ വരവേൽക്കുകയാണ് ഗായകൻ മധു ബാലകൃഷ്ണൻ. ഇത്തവണത്തെ ഓണപ്പാട്ടിന് മധുവിനെ സംബന്ധിച്ച് പ്രത്യേകതകളേറെയുണ്ട്. വരികളെഴുതിയതും മധുവിനൊപ്പം അഭിനയിച്ചതും ഭാര്യ വിദിത ആണ് . ഒന്നിച്ചു പാടിയ ഐശ്വര്യ അഷീദ് ആണ് ഇരുവരുടേയും മകളായി അഭിനയിച്ചത്. ചലച്ചിത്ര ഛായാഗ്രാഹകനായ രാഗേഷ് നാരായണൻ സംവിധാനം ചെയ്ത ആൽബത്തിന്റെ സംഗീതസംവിധായകൻ സതീഷ് നായർ ആണ്. നാദരൂപ നിർമിച്ച 'ഐശ്വര്യ പൊന്നോണം' മനോരമ മ്യൂസിക് ആണ് പുറത്തിറക്കിയത്.
