പ്രളയത്തെ അതിജീവിച്ച ജനതയുടെ ഉയിര്‍പ്പാട്ടുമായി വൈദികരുടെ സംഗീത ബാന്‍ഡ്. സിറോ മലബാര്‍ സഭ എറണാകുളം– അങ്കമാലി അതിരൂപതയിലെ വൈദികരാണ് 'ഉയിര്‍പ്പാട്ട്' എന്ന ആല്‍ബം തയാറാക്കിയിരിക്കുന്നത്.
പ്രളയവും ഉരുള്‍പൊട്ടലും തകര്‍ത്തെറിഞ്ഞ മണ്ണില്‍ കണ്ണീരിന് സ്നേഹത്തിന്റെ തടയണ കെട്ടുന്നവരുടെ കഥ. എല്ലാംകൊണ്ടും വ്യത്യസ്തമാണ് ഉയിര്‍പ്പാട്ടെന്ന ഈ ആല്‍ബം. എറണാകുളം– അങ്കമാലി അതിരൂപതയുടെ പില്‍ഗ്രിംസ് കമ്മ്യൂണിക്കേഷന്‍സിന്‍റെ ബാനറിലാണ് ആല്‍ബം ഒരുക്കിയിരിക്കുന്നത്. ഗാനരചനയും, സംവിധാനവുമെല്ലാം നിര്‍വഹിച്ച വൈദികര്‍ അവതരണത്തിനും മികച്ചുനില്‍ക്കുന്നു.
യൂട്യൂബില്‍ റിലീസ് ചെയ്ത ആല്‍ബം അതിലേറെ പ്രചരിക്കപ്പെട്ടത് സമൂഹമാധ്യമങ്ങളില്‍. ട്വല്‍വ് ബാന്‍ഡ് എന്ന പേരില്‍ പ്രഫഷണല്‍ രംഗത്തേക്ക് കടക്കാനുള്ള തയാറെടുപ്പിലാണ് ഈ വൈദികര്‍.