നിങ്ങളുടെ മതം പ്രചരിപ്പിക്കാനുള്ള സ്നേഹം ലവ് ജിഹാദ്, നിങ്ങളുടെ പ്രത്യയശാസ്ത്രം പ്രരിപ്പിക്കാനുള്ള മാര്‍ക്കിടീല്‍ മാര്‍ക്ക് ജിഹാദ്. ഡൽഹി സര്‍വകലാശാലയിലെ കോളജുകളില്‍ കേരളത്തില്‍ നിന്നുള്ള വിദ്യാര്‍ഥികള്‍ നൂറുശതമാനം മാര്‍ക്കോടെ പ്രവേശനം നേടുന്നു. ഇത് പറയുന്നത് രാജ്യത്തെ പ്രശസ്തമായ ഒരു സര്‍വകാശാലയിലെ അധ്യാപകനാണ്. ഡല്‍ഹിയില്‍ പഠിക്കാനെത്തുന്ന മലയാളികള്‍ക്ക് നേരെ വിദ്വേഷത്തിന്‍റെ വിഷം ചീറ്റിയ പ്രഫ.രാകേഷ് പാണ്ഡെ നിലപാട് തിരുത്തുമോയെന്ന് ഞങ്ങള്‍ ചോദിച്ചെങ്കിലും അദ്ദേഹം നിലപാടില്‍ ഉറച്ച് നില്‍ക്കുന്നു. മാര്‍ക്കും ജിഹാദുമായി എന്താണ് ബന്ധമെന്ന് അദ്ദേഹത്തിന് വ്യക്തമാക്കാന്‍ പറ്റിയില്ല. പക്ഷേ ചില പ്രത്യേക രാഷ്ട്രീയ ചായ്വുള്ളവരെ ഡല്‍ഹില്‍ കൊണ്ടുവരാനുള്ള സംഘടിത ശ്രമം നടക്കുന്നുവെന്നാണ് താന്‍ ഉദ്ദേശിച്ചതെന്ന് രാകേഷ് പാണ്ഡേ വിശദീകരിക്കുന്നു. ലവ് ജിഹാദും നര്‍ക്കോട്ടിക് ജിഹാദും കേട്ട് അന്തംവിട്ടിരുന്ന മലയാളികള്‍ക്കാണ് ഈ പുതിയ ജിഹാദിന്‍റെ പഴി കേള്‍ക്കേണ്ടി വരുന്നത്. ഇനി മാര്‍ക്ക് ജിഹാദോ?