പൊലീസ് ജീപ്പിടിച്ച് പരുക്കേറ്റവരെ ആശുപത്രിയിൽ എത്തിക്കാത്തതില് തൃശൂർ പുതുക്കാട് പൊലീസ് സ്റ്റേഷനിൽ കൂട്ട സസ്പെൻഷൻ. ക്രിമിനൽ കേസ് പ്രതികളെ പിൻതുടരുന്നതിനിടെയാണ് ജീപ്പിടിച്ചത്. എസ്.ഐ: സി.എം. മഹേഷ്, എം.യു.ഫൈസൽ, ഇ.സി. യദുകൃഷ്ണൻ, പി.ഡി. നവീൻകുമാർ എന്നിവർക്കാണ് സസ്പെൻഷൻ. തൃശൂർ ഡി.ഐ.ജി : ടി. നാരായണൻ ആണ് നടപടിയെടുത്തത്.
ജൂലൈ 19 നായിരുന്നു സംഭവം നടന്നത്. തട്ടുക്കടയിൽ അടിപിടിയുണ്ടാക്കിയ ക്രിമിനൽ സംഘത്തെ പിൻതുടരുന്നതിനിടെയായിരുന്നു അപകടം. പൊലീസ് ജീപ്പിടിച്ച് വരന്തരപ്പിള്ളി സ്വദേശി അഭിഷേകിനാണ് പരുക്കേറ്റത്. ബൈക്കിൽ നിന്ന് വീണ അഭിഷേകിനെ ആശുപത്രിയിൽ എത്തിക്കാന് പൊലീസ് തയ്യാറായില്ലെന്നാണ് പരാതി.