ഉറങ്ങുന്ന 13 കാ​രി​യെ സ്പര്‍ശിച്ചു, ഞെ​ട്ടി​യു​ണർ​ന്നതോടെ ലൈം​ഗി​ക ചേ​ഷ്ട​ കാട്ടി; 53കാരന്‍ പിടിയില്‍

13 കാ​രി​യോ​ട് ലൈം​ഗികാ​തി​ക്ര​മം കാ​ട്ടി​യ 53കാരന്‍ അറസ്റ്റില്‍. പത്തനംതിട്ട ജില്ലയിലെ പ​ന്ത​ളത്താണ് സംഭവം. മുമ്പും പോ​ക്‌​സോ കേ​സിൽ പ്രതിയായിട്ടുള്ള കൊ​ടു​മൺ അ​ങ്ങാ​ടി​ക്കൽ ക​ല്ലു​കാ​ട്ടിൽ വീ​ട്ടിൽ വേ​ണു​ലാലാണ് (53) അ​റ​സ്റ്റി​ലാ​യ​ത്. ക​ഴി​ഞ്ഞ​വർ​ഷത്തെ സ്​കൂൾ വെ​ക്കേ​ഷന് അ​ച്ഛ​ന്റെ വീ​ട്ടിൽ പോ​യ 13 കാ​രി​യോടാണ്  വേ​ണു​ലാല്‍ ലൈം​ഗികാ​തി​ക്ര​മം നടത്തിയത്.   2022 ൽ കൊ​ടു​മൺ പൊ​ലീ​സ് എഫ്ഐആറിട്ട പോ​ക്‌​സോ കേ​സിലും ഇയാള്‍ പ്ര​തി​യാ​ണ്. 

തകരാറിലായ സ്വി​ച്ച് ബോർ​ഡ് ശരിയാക്കാനാണ് വേ​ണു​ലാല്‍ കുട്ടിയുടെ അച്ഛന്‍റെ വീട്ടിലെത്തിയത്. ആ സമയം ഉ​റ​ക്കത്തിലായിരുന്ന പെൺ​കു​ട്ടിയെ ഇയാള്‍ സ്പര്‍ശിക്കുകയായിരുന്നു.  കുട്ടി ​ഞെ​ട്ടി​യു​ണർ​ന്നതോടെ അവള്‍ക്ക് മുന്നില്‍വെച്ച് ലൈം​ഗി​ക ചേ​ഷ്ട​കൾ കാ​ട്ടി. പെട്ടെന്നുണ്ടായ ഷോക്കില്‍ ഭ​യ​ന്നു​പോ​യ കു​ട്ടി വി​വ​രം മ​റ്റാരോ​ടും പ​റ​ഞ്ഞി​ല്ല. പി​ന്നീ​ട് കാ​ണു​മ്പോ​ഴൊ​ക്കെ ഇ​യാൾ ലൈം​ഗി​ക ചേ​ഷ്ട​കൾ കാട്ടാനും മോശമായി നോക്കാനും തുടങ്ങി. 

ഏ​പ്രി​ലിൽ കു​ട്ടി​ക്ക് സു​ഖ​മി​ല്ലാ​തെ ചി​കി​ത്സയ്​ക്ക് എ​ത്തി​ച്ച​പ്പോൾ പെരുമാറ്റത്തില്‍ അസ്വാഭാവികത തോന്നിയ ഡോക്ടര്‍, കൗൺ​സി​ലിം​ഗി​ന് നിര്‍ദേശിച്ചു. അപ്പോഴാണ് പീഡന വിവരം കുട്ടി പുറത്തു പറഞ്ഞത്. തുടര്‍ന്ന് പ​ന്ത​ളം പൊ​ലീ​സിൽ പ​രാ​തി നല്‍കി. പ്ര​തി​ക്കെ​തി​രെ പോ​ക്‌​സോ നി​യ​മ​പ്ര​കാ​രം കേ​സെ​ടു​ത്ത് അ​ന്വേ​ഷ​ണം ആ​രം​ഭി​ച്ചു. കു​ട്ടി​യു​ടെ മൊ​ഴി അ​ടൂർ ജെ എ​ഫ് എം കോ​ട​തി​യി​ലും  രേ​ഖ​പ്പെ​ടു​ത്തി.

വേ​ണു​ലാലിനെ കഴിഞ്ഞ ദിവസം അ​ങ്ങാ​ടി​ക്കൽ വ​ച്ചാണ് പൊലീസ് അറസ്റ്റ് ചെയ്തത്. ഇയാളെ വൈ​ദ്യ പ​രി​ശോ​ധ​നയ്​ക്കു് വിധേയനാക്കി. പ്രതി ഇപ്പോള്‍ റിമാന്‍ഡിലാണ്.