സ്ത്രീകളെ വലയിലാക്കുന്ന വിരുതന്, ഇന്സ്റ്റയില് ‘കിനാവിന്റെ രാജകുമാരൻ’; പിടിയില്
- Crime
- Published on Mar 17, 2026, 10:08 PM IST
‘കിനാവിന്റെ രാജകുമാരൻ’ എന്ന ഇന്സ്റ്റഗ്രാം അക്കൗണ്ടിലൂടെ സൗഹൃദം സ്ഥാപിച്ച ശേഷം യുവതികളുടെ സ്വര്ണാഭരണവുമായി മുങ്ങുന്ന മലപ്പുറം സ്വദേശി പിടിയില്. കോട്ടയ്ക്കല് കുണ്ടുബസാറിലെ കുഞ്ഞിത്തൊടിയില് മുഹമ്മദ് ജസീൽ (38) ആണ് അറസ്റ്റിലായത്.
കോഴിക്കോട് വളയം സ്വദേശിനിയായ യുവതിയുടെ പരാതിയിലാണ് നടപടി. ഇവരില് നിന്ന് പന്ത്രണ്ട് പവനോളം വരുന്ന സ്വര്ണാഭരണങ്ങള് ജസീല് കൈക്കലാക്കിയതായി പൊലീസ് പറഞ്ഞു.
സൗഹൃദം സ്ഥാപിക്കുന്ന സ്ത്രീകളെ വിവിധ സ്ഥലങ്ങളിലേക്ക് വിളിച്ചുവരുത്തി സ്വര്ണാഭരണം തട്ടുന്നതാണ് ഇയാളുടെ രീതി. കോഴിക്കോട് ടൗണ് സ്റ്റേഷനില് സ്വര്ണം തട്ടിയതിനും ഭീഷണിപ്പെടുത്തി പീഡനം നടത്തിയതിനും ഇയാള്ക്കെതിരേ കേസ് നിലവിലുണ്ട്. നിരവധി സ്ത്രീകള് ഇയാളുടെ വലയില്പ്പെട്ടിട്ടുണ്ടെന്ന് പൊലീസ് പറഞ്ഞു.
ENGLISH SUMMARY:
