യുവാവിനെ ഒളിച്ചിരുന്ന സംഘം കമ്പി വടി കൊണ്ട് അടിച്ചുവീഴ്ത്തി
കൊല്ലം കടയ്ക്കലിൽ ബൈക്കിൽ വന്ന യുവാവിനെ ഒളിച്ചിരുന്ന സംഘം കമ്പി വടി കൊണ്ട് അടിച്ചുവീഴ്ത്തി. കടക്കൽ പുതുവുകോണത്ത് താമസക്കാരനായ മുബീനെയാണ് മണ്ണ്മാഫിയ സംഘം ആക്രമിച്ചത്. ബൈക്കില് വരികയായിരുന്ന യുവാവിനെ ഇരുമ്പുവടികൊണ്ട് മര്ദിക്കുകയായിരുന്നു
ഇന്നലെ രാത്രി ഒമ്പത് മണിയോടെയായിരുന്നു സംഭവം. സജി എന്നറിയപ്പെടുന്ന സന്തോഷ്, ഇയാളുടെ സഹോദരൻ മണിക്കുട്ടൻ, മറ്റു മൂന്നുപേർ ചേർന്ന് മുതയിൽ ജംഗ്ഷന് സമീപമുള്ള വളവിൽ ഒളിച്ചിരുന്ന് ബൈക്കിലെത്തിയ മുബീനെ കമ്പി വടി കൊണ്ട് അടിച്ചുവീഴ്ത്തി .റോഡിൽ തെറിച്ചുവീണ മുബിനെ വളഞ്ഞിട്ട് ആക്ക്രമികുകയായിരുന്നു . ആൾതാമസമില്ലാത്ത മേഖലയിൽ സുധീറിനെ വധിക്കുന്നതിനാണ് സംഘം കാത്തിരുന്നത്. എന്നാൽ സുധീറിന്റെ ബൈക്കിൽ വന്ന മുബീനെ ആളുമാറിയാണ് സംഘംആക്രമിച്ചത് . ആക്രമണത്തിനിടെ ഓട്ടോറിക്ഷ വരുന്നത് കണ്ടു മുബീനെ ഉപേക്ഷിച്ച് അക്രമികൾ ഓടിരക്ഷപ്പെട്ടു . മുബീനെ നാട്ടുകാർ കടയ്ക്കൽ താലൂക്ക് ആശുപത്രിയിലും തുടർന്ന് മെഡിക്കൽ കോളേജിൽ പ്രവേശിപ്പിച്ചു .
ഇയാളുടെ ഇടതുകാൽ ഒടിഞ്ഞിട്ടുണ്ട്. വാരിയെല്ല് പൊട്ടിയിട്ടുണ്ട്. ശരീരത്തിൽ നിരവധി ഭാഗത്ത് അടിയേറ്റ പാടുകളുണ്ട് . സുധീറിനെ ആക്രമിക്കാനെത്തിയ സംഘം ആളുമാറി ആണ് മുബീനെ ആക്രമിച്ചത് എന്ന് തിരിച്ചറിഞ്ഞതോടെ കൂടി ആക്രമികളായ സജിയും സംഘവും മുബീന്റെ ബന്ധുക്കളെ സ്വാധീനിച്ച് കേസ് ഒതുക്കി തീർക്കാനുള്ള ശ്രമം ആരംഭിച്ചു .എന്ത് നഷ്ടം വേണമെങ്കിലും നൽകാമെന്നും കേസ് ഒത്തുതീർപ്പാക്കി നൽകണമെന്നുമാണ് സജി ബന്ധുക്കളെ വിളിച്ച് അറിയിച്ചിരിക്കുന്നത്.
നിരവധി ക്രിമിനൽ കേസുകളിലെ പ്രതിയായ ഇയാൾ പ്രധാന മണ്ണ് മാഫിയ സംഘത്തിലുളളതാണ്. ജെസിബി ഉപയോഗിച്ച് രാത്രികാലങ്ങളിലും മറ്റും കുന്ന് ഇടിച്ചുമാറ്റുന്നതുമായി ബന്ധപ്പെട്ട ഇയാളുടെ പേരിൽ നിരവധി കേസുകൾ നിലവിലുണ്ട്. കടയ്ക്കൽ പോലീസ് കേസെടുത്ത് അന്വേഷണം ആരംഭിച്ചു. വധശ്രമം ഉൾപ്പെടെയുള്ള വകുപ്പുകൾ ചുമത്തിയാണ് കേസെടുത്തിരിക്കുന്നത്.സജിയും കൂട്ടാളികളും ഒളിവിലാണെന്ന് പോലീസ് പറഞ്ഞു .ഇവരെ കണ്ടെത്തുന്നതിനുള്ള ശ്രമം ആരംഭിച്ചു