പ്രവാസ ലോകത്ത് ഓണം ആഘോഷമാക്കാൻ ലുലുവിന്റെ പ്രത്യേക കാർഗോ വിമാനം കൊച്ചിയിൽ നിന്ന് പുറപ്പെട്ടു. ഓണസദ്യയ്ക്കാവശ്യമായ പഴം, പച്ചക്കറി, വാഴയില തുടങ്ങി നിരവധി സാധനങ്ങളാണ് വിമാനത്തിൽ കയറ്റി അയച്ചത്. 

നാഷണൽ എയർലൈൻസിന്റെ കാർഗോ വിമാനത്തിലാണ് 45 ടൺ പഴം പച്ചക്കറി വിഭവങ്ങൾ കയറ്റി അയച്ചത്. ഓണ സദ്യയ്ക്കാവശ്യമായ നിരവധി സാധനങ്ങളാണ് വിമാനത്തിൽ ഉണ്ടായിരുന്നത്. ഇതിന് പുറമെ 60 ടൺ പഴം, പച്ചക്കറി, വാഴയിലകൾ എന്നിവയുമായി മറ്റൊരു കാർഗോ വിമാനം ഓഗസ്റ്റ് 20ന് കൊച്ചിയിൽ നിന്ന് പുറപ്പെടും.

ലുലു ഫെയർ എക്സ്പോർട്ടിന്റെ നേതൃത്വത്തിൽ മൂന്ന് ലക്ഷത്തിലധികം പഴം പച്ചക്കറി വിഭവങ്ങളാണ് ഗൾഫ് രാജ്യങ്ങളിലെ ലുലു സ്റ്റോറുകളിലേക്ക് എത്തിക്കുന്നത്. ഓണക്കാലത്ത് പ്രവാസി മലയാളികൾക്ക് ആവശ്യമായ ഭക്ഷ്യവസ്തുക്കളുടെ ലഭ്യത ഉറപ്പാക്കുന്നതിനുള്ള മുൻകരുതൽ നടത്തുമെന്ന് ലുലു ഗ്രൂപ്പ് ചെയർമാൻ എം.എ യൂസഫലി പ്രഖ്യാപിച്ചിരുന്നു. പിന്നാലെയാണ് പ്രവാസി സഹോദരങ്ങളുടെ ഓണം കേമമാക്കാൻ ജി.സി.സിയിലെ ലുലു സ്റ്റോറുകൾ സജ്ജമായിരിക്കുന്നത്.

ENGLISH SUMMARY:

Lulu's special cargo flight carrying Onam essentials has departed from Kochi to the Gulf. This initiative ensures a festive Onam for expatriate Malayalis by supplying vital items like fruits, vegetables, and banana leaves for the Onam Sadhya.