പന്തല്ലൂർ ∙ വീട്ടുകാർ ഉറങ്ങികിടക്കുമ്പോൾ കതക് തകർത്ത് കുട്ടിയാന വീട്ടിൽ കയറി, കതക് വീണ് വീട്ടുടമയ്ക്ക് പരുക്കേറ്റു. വീട്ടുകാർ ഭാഗ്യം കൊണ്ട് രക്ഷപ്പെട്ടു. വിലങ്ങൂരിൽ പ്രഭാകരന്റെ വീട്ടിലാണ് കാട്ടാനക്കുഞ്ഞ് കയറിയത് പരുക്കേറ്റ പ്രഭാകരനെ ബത്തേരി സ്വകാര്യ ആശുപത്രിയിൽ പ്രവേശിപ്പിച്ചു. ബുധനാഴ്ച്ച രാത്രി 12 മണിയോടെയാണ് കാട്ടാനക്കുഞ്ഞ് വീട്ടിൽ കയറിയത്. ആനകൂട്ടം പുറത്തു നിന്ന് ബഹളം വച്ചതോടെ വീട്ടുകാരും ഉണർന്നത് രക്ഷയായി.
പൊളിഞ്ഞ് വീണ കതകിൽ മറഞ്ഞു നിന്നാണ് കുടുംബം രക്ഷപ്പെട്ടത്. പ്രഭാകരന്റെ ഭാര്യ ഓമന, അമ്മ യശോദയും ആറ് മക്കളുമാണ് വീട്ടിലുണ്ടായിരുന്നത്. രാത്രിയിൽ തന്നെ വനം വകുപ്പ് ജീവനകാരെത്തി ആനയെ തുരത്തി. ഈ പ്രദേശത്ത് ആനശല്ല്യം രൂക്ഷമാണന്ന് നാട്ടുകാർ പറ‍ഞ്ഞു.
×