അപകടത്തില്പെട്ട മുരുകന് ചികില്സ നിഷേധിച്ചതില് ഗുരുതരവീഴ്ച സ്ഥിരീകരിച്ച് തിരുവനന്തപുരം മെഡിക്കല് കോളജ് ആശുപത്രിയിലെ അന്വേഷണ റിപ്പോര്ട്ട്. 15 വെന്ററിലേറ്ററുകള് ഒഴിവുണ്ടായിട്ടും ഒരെണ്ണം പോലും മുരുകന് നല്കാന് തയ്യാറായില്ലെന്ന് സൂപ്രണ്ടും പ്രിന്സിപ്പലും പൊലീസിന് റിപ്പോര്ട്ട് നല്കി. ആശുപത്രിയുടെ ഈ അനാസ്ഥ മനോരമ ന്യൂസ് ആണ് പുറത്തുകൊണ്ടുവന്നത്.
അതേസമയം മുരുകന് ചികില്സ നല്കുന്നതില് തിരുവനന്തപുരം മെഡിക്കല് കോളജ് ആശുപത്രിയിലുണ്ടായ വീഴ്ച കൊലക്കുറ്റമായി കാണണമെന്ന് മനുഷ്യാവകാശ കമ്മിഷന് . ഇത്തരം വീഴ്ചകള് ആവര്ത്തിക്കാതിരിക്കാന് സര്ക്കാര് നടപടിയെടുക്കണമെന്നും കമ്മിഷന് ആക്ടിങ് ചെയര്മാന് പി. മോഹന്ദാസ് ആവശ്യപ്പെട്ടു.