സംസ്ഥാനത്ത് ഡെങ്കിപ്പനി ബാധിച്ച് ഏഴുമാസം പ്രായമുള്ള കുഞ്ഞടക്കം ഇന്ന് ആറുപേര്‍ മരിച്ചു. കോഴിക്കോട് മെഡിക്കല്‍ കോളജില്‍ ചികില്‍സയിലായിരുന്ന ചെറുവാടി നമ്പുരയില്‍ സന്തോഷിന്റെ മകന്‍ ജെറാൾഡ് ഉച്ചയോടെയാണ ് മരിച്ചത്. മലപ്പുറം കൂട്ടിലങ്ങാടി സ്വദേശി വസന്തകുമാരി, എടപ്പറ്റ കരവിൽ ഷാഹിദ എന്നിവരും ഡെങ്കിപ്പനി ബാധിച്ച് മരിച്ചു.
തിരുവനന്തപുരം മരുതംകുഴി സ്വദേശി ഒന്‍പതുവയസുളള ആദിത്യന്‍ , കായംകുളം ചെറിയപത്തിയൂര്‍ സ്വദേശി ഹസീന എന്നിവരാണ് മരിച്ച മറ്റുള്ളവര്‍. ഇന്ന് 227 പേർക്കുകൂടി ഡെങ്കിപ്പനി സ്ഥിരീകരിച്ചു. ഏഴുപേർക്ക് എലിപ്പനിയും ഒൻപതു പേർക്ക് എച്ച് 1 എൻ 1 ഉം സ്ഥിരീകരിച്ചു. മുപ്പതിനായിരം പേർ പനിക്ക് ചികിൽസ തേടി.
×