ഹയർസെക്കൻഡറി ഒന്നാംവർഷ പ്രവേശനത്തിനുള്ള സമയപരിധി അടുത്തമാസം അഞ്ചുവരെ നീട്ടിയ ഉത്തരവ് സ്റ്റേ െചയ്യാൻ ഹൈക്കോടതി ഡിവിഷൻ ബെഞ്ച് വിസമ്മതിച്ചു . ഹയർസെക്കൻഡറി പ്രവേശനത്തിനുള്ള അപേക്ഷകൾ സ്വീകരിക്കുന്നത് ഇന്നലെ അവസാനിപ്പിക്കാനായിരുന്നു വിദ്യാഭ്യാസ വകുപ്പിന്റെ തീരുമാനം .
എന്നാൽ സിബിഎസ്ഇ പരീക്ഷാഫലം വൈകുന്നതിനാൽ പ്രവേശന നടപടികൾ നീട്ടണമെന്ന അപേക്ഷ പരിഗണിച്ചാണ് ഡിവിഷൻ ബെഞ്ച് സമയപരിധി നീട്ടിയത് . ഇതിനെതിരെയാണ് സർക്കാർ ഡിവിഷൻ ബഞ്ചിൽ അപ്പീൽ സമർപ്പിച്ചത് . അപ്പീൽ ഫയലിൽ സ്വീകരിച്ച കോടതി വിശദമായ വാദം കേൾക്കാൻ വെള്ളിയാഴ്ചത്തേക്ക് മാറ്റി.
×