കാഴ്ചക്കാരുടെ കണ്ണിനും മനസിനും കുളിർമ നൽകുന്നതാണ് ഒരു കൂട്ടം കലാകാരികൾ ഒരുക്കിയ ചുമർ ചിത്രപ്രദർശനം. മ്യൂറൽ ഇന്ത്യയുടെ നേതൃത്വത്തിൽ കോഴിക്കോട് ലളിത കലാ ആർട്ട് ഗാലറിയിലാണ് ചിത്രമാലിക എന്ന പേരിൽ പ്രദർശനം ഒരുക്കിയത്.വിവിധ ജില്ലകളിൽ നിന്നുള്ള 11 കലാകാരികളുടെ സൃഷ്ടികളാണിവ.പ്ലസ്ടു വിദ്യാർഥിനി സനോഫർ ഖാനും 60 വയസുള്ള വിജയയും ഈ കൂട്ടായ്മയിലുണ്ട്. ഒഴിവു സമയങ്ങളാണ് ചുമർചിത്രരചനക്കായി ഇവർ നീക്കിവെക്കുന്നത്.35 ചിത്രങ്ങളാണ് പ്രദർശിപ്പിച്ചത്.ശ്രീകൃഷ്ണ രൂപങ്ങളാണ് ഏറെയും ശിവപാർവതി, മോഹിനി രൂപങ്ങളും പ്രദർശനത്തിന്റെ മാറ്റ് കൂട്ടുന്നു. ഭാരതീയ ചിത്രകലയെ പ്രോൽസാഹിപ്പിക്കുകയാണ് ലക്ഷ്യം.പ്രദർശനത്തിനൊപ്പം വിൽപ്പനയുമുണ്ട്.
×