ചരിത്രത്തിലിടം നേടി ലോകത്തിലെ ഏറ്റവും വലിയ സമ്പന്നന്റെ വിവാഹമോചനം. മസോണ്‍ മേധാവി ജെഫ് ബെസോസ് 3800 കോടി ഡോളര്‍ (ഏകദേശം 2.6 ലക്ഷം കോടി രൂപ)യാണ് ഭാര്യ മക്കെന്‍സിക്ക് നഷ്ടപരിഹാരം നൽകിയത്. ജനുവരിയിലാണ് ഇവർ വിവാഹമോചനം നേടാന്‍ പോകുന്നു എന്ന് ആദ്യമായി പരസ്യപ്രഖ്യാപനം നടത്തിയത്. വിവാഹമോചനത്തോടെ കമ്പനിയുടെ നാലു ശതമാനം ഓഹരി മക്കെന്‍സിക്കു സ്വന്തമാകും.
കോടതി വിവാഹമോചനം അംഗീകരിക്കുന്ന മുറയ്ക്ക് ആമസോണ്‍ കമ്പനിയുടെ 19.7 മില്യണ്‍ ഓഹരി ഭാര്യയുടെ പേരില്‍ ഉടമ്പടിയാക്കുമെന്ന് ജെഫ് അറിയിച്ചിരുന്നു. ഈ വിവാഹമോചനത്തോടെ ബ്ലൂബെര്‍ഗ് കോടീശ്വരൻമാരുടെ പട്ടികയിൽ മക്കെൻസി 22-ാം സ്ഥാനം നേടും. 3800 കോടി ഡോളര്‍ ലഭിക്കുന്നതോടെ ലോകത്തിലെ ഏറ്റവും വലിയ നാലാമത്തെ സമ്പന്നയായ യുവതിയായും മക്കെന്‍സി മാറും. തനിക്കു ലഭിക്കുന്ന സമ്പത്തിന്റെ പകുതി ജീവകാരുണ്യ പ്രവര്‍ത്തനങ്ങള്‍ക്ക് നീക്കിവയ്ക്കാനാണ് മക്കെന്‍സിയുടെ തീരുമാനം.
1993 ലാണ് ജെഫ് ബെസോസും മക്കെന്‍സയും വിവാഹിതരാകുന്നത്. ലോകത്തിലെ ഏറ്റവും വലിയ ഓണ്‍ലൈന്‍ ഷോപ്പിംഗ് സൈറ്റായ ആമസോണിന്റെ വളര്‍ച്ചയ്ക്കു പിന്നില്‍ ഇരുവരും നിർണായക പങ്ക് വഹിച്ചിട്ടുണ്ട്.