പത്മശ്രീ ജേതാവ് അശ്വതി തിരുനാള് പാര്വതി ബായിയെ നേരിട്ടെത്തി അഭിനന്ദിച്ച് ശശി തരൂര് എംപി. ഇന്ത്യന് സംസ്കാരത്തിന് അശ്വതി തിരുനാള് നല്കിയ സംഭാവനയ്ക്ക് അര്ഹിച്ച അംഗീകാരമാണ് ലഭിച്ചിരിക്കുന്നതെന്ന് ശശി തരൂര് സമൂഹമാധ്യമങ്ങളില് കുറിച്ചു.
അശ്വതി തിരുനാളിനൊപ്പമുള്ള ചിത്രങ്ങള് ശശി തരൂര് പങ്കുവെച്ചു. അശ്വതി തിരുനാള് പാര്വതി ബായി രാജകുമാരിയെ പത്മശ്രീ ലഭിച്ചതില് അഭിനന്ദിച്ചു. ഇന്ത്യന് സംസ്കാരത്തേയും നാഗരികതയേയും ഉയരങ്ങളിലേക്ക് എത്തിക്കുന്നതിലെ അവരുടെ സംഭാവനകള്ക്ക് ഈ അംഗീകാരം അര്ഹിക്കുന്നു, സമൂഹമാധ്യമങ്ങളില് ശശി തരൂര് കുറിച്ചു.
പത്മശ്രീ ലഭിച്ചത് പത്മനാഭസ്വാമിയുടെ അനുഗ്രഹത്താലാണെന്നും അംഗീകാരത്തില് അതിരറ്റ സന്തോഷമാണെന്നുമാണ് പുരസ്കാര പ്രഖ്യാപനത്തിന് പിന്നാലെ അശ്വതി തിരുനാള് പ്രതികരിച്ചത്. പുരസ്കാരം പ്രതീക്ഷിച്ചിരുന്നില്ലെന്നും രണ്ട് കയ്യും നീട്ടി സന്തോഷത്തോടെ സ്വീകരിക്കുന്നതായും അവര് പറഞ്ഞു.
Shashi tharoor congratulate Aswathy Thirunnal