ഒത്തുചേരലിന്റെ നിറമുള്ള കാഴ്ചയാണ് ഓണം. മലയാളിക്ക് മാത്രമല്ല, മലയാണ്മ അറിയാനെത്തുന്ന എല്ലാവര്‍ക്കും ഇതൊരു ഉല്‍സവ കാലമാണ്. റോട്ടറി ക്ലബ്, കൊച്ചിന്‍ കോസ്മോസ് ഇത്തവണ ക്ഷണിച്ചത് അഞ്ചുരാജ്യങ്ങളിലെ പുതുതലമുറയെയാണ്. ഓണമുണ്ണിയ ഓര്‍മകളാണ് ഇനി കടല്‍താണ്ടുക...
പൂക്കളമിട്ട്, ഓണപ്പാട്ടുംപാടി ഇരിക്കവെ അതിഥികളെത്തി..മുല്ലമാലയണിയിച്ച് കുറിതൊടീച്ച് അതിഥികള്‍ക്ക് സ്വാഗതം..പൂക്കളങ്ങള്‍ക്ക് മുന്നില്‍ തൊഴുകയ്യോടെ നിന്നവര്‍ക്ക് ഓണത്തെക്കുറിച്ച് ഒരാമുഖം.
നിറമള്ളൊരു ഉല്‍സവത്തിന്, കേരളീയ വേഷം ധരിച്ചെത്തിയ അതിഥികളും കൊകൊട്ടി. ആട്ടം മുറുകി.