കേരളം നിശബ്ദപ്രചാരണത്തിന്റെ ആദ്യമണിക്കൂറുകളിലാണ്. കലാശക്കൊട്ടിന് വിലക്കായിരുന്നു എങ്കിലും ആവേശമൊരു തുള്ളി ചോരാതെത്തന്നെ മുന്നണികളും അണികളും പരസ്യപ്രചാരണം അവസാനിപ്പിച്ചു. റോഡ്ഷോകളായിരുന്നു നാടാകെ. കണ്ണൂരില് മുഖ്യമന്ത്രിയുടെ റോഡ്ഷോ, കോഴിക്കോട്ടും തിരുവനന്തപുരത്തുമെല്ലാം രാഹുല്ഗാന്ധി. കേന്ദ്രനേതാക്കളുടെ കരുത്തില് എന്ഡിഎയും. ഇനി രണ്ട് രാത്രിയും ഒരു പകലും പിന്നിട്ടാല് ഈ നാട് ബൂത്തിലെത്തും. 140 എംഎല്എമാരെ തിരഞ്ഞെടുക്കും. ഇ.വി.എമ്മില് പതിയുന്ന ആ വിരലുകള് തീരുമാനിക്കും ഇവിടെ ഭരണമാറ്റമോ ഭരണത്തുടര്ച്ചയോ എന്ന്. അപ്പോള് ഒടുവിലെ ചിത്രമെന്താണ്?