ന്യൂയോർക്ക് ∙ ഒരു നുണകൊണ്ടുണ്ടായ ‘മെച്ചം’ കേൾക്കണോ? ന്യൂയോർക്കിൽ മൈക്കൽ ഗാർലൻഡ് എല്ലിയട്ട് എന്ന അപ്പൂപ്പൻ സമാധനത്തോടെ കണ്ണടച്ചതു നുണ കേട്ടാണ് – ഡോണൾഡ് ട്രംപിനെ ഇംപീച്ച് ചെയ്തു എന്ന കള്ളം!
ഡോണൾഡ് ട്രംപ് യുഎസ് പ്രസിഡന്റായതുമുതൽ അസ്വസ്ഥനായിരുന്നു എഴുപത്തിയഞ്ചുകാരനായ എല്ലിയട്ട് അപ്പൂപ്പൻ. മരണക്കിടക്കയിലായിരുന്ന എല്ലിയട്ടിനോട് ഭാര്യ തെരേസയാണു ട്രംപിനെ ഇംപീച്ച് ചെയ്തതായി കള്ളം പറഞ്ഞത്.
വാർത്ത കേട്ട് അധികം വൈകാതെ അപ്പൂപ്പൻ ശാന്തനായി മരിച്ചു. കിടപ്പിലായെങ്കിലും സംസാരിക്കാൻ കഴിയുന്നതു വരെ ട്രംപിനെ ചീത്ത പറഞ്ഞിരുന്ന എല്ലിയട്ട് ഒന്നു സന്തോഷിച്ചോട്ടെ എന്നു കരുതിയാണു കള്ളം പറഞ്ഞതെന്നാണു തെരേസയുടെ ന്യായം.
×