ഹെല്മറ്റ് ഉപയോഗിക്കുന്ന പലർക്കും കഴുത്തുവേദന ഒരു പ്രശ്നമാണ്. ഹെൽമറ്റിന്റെ ഭാരം ഒരു പ്രശ്നമാണ്. 1.8 കി. ഗ്രാമിനു താഴെയുള്ള ഹെൽമറ്റുകളാണ് നല്ലത്. ഹെൽമറ്റ് അനുയോജ്യമായിട്ടും കഴുത്തുവേദന വരുന്നെങ്കിൽ താഴെ പറയുന്ന വ്യായാമങ്ങൾ ചെയ്യാം.
രണ്ടു കൈയുടെയും വിരലുകൾ കോർത്തുപിടിച്ച് നെറ്റിയിൽ വയ്ക്കുക. തല കൊണ്ട് കൈകളിലേക്കും കൈ കൊണ്ട് തലയിലേക്കും തുല്യമായി സാവധാനം ബലം ചെലുത്തുക. ഒന്നു മുതൽ അഞ്ചു വരെ എണ്ണുക. സാവധാനം അയയ്ക്കുക. ഇങ്ങനെ അഞ്ചു പ്രാവശ്യം ചെയ്യാം.
കൈകൾ കോർത്തുപിടിച്ച് തലയുടെ പിറകിൽവച്ച് മേൽപ്പറഞ്ഞപോലെ 5 വരെ എണ്ണി 5 പ്രാവശ്യം ചെയ്യാം.
തലയുടെ വശത്ത് ഒരു കൈ വച്ച് ആ വശത്തേക്ക് തല ചെരിക്കുന്ന രീതിയിൽ ബലം നൽകുക. കൈകൊണ്ട് തുല്യമായി തിരിച്ചും ബലം നൽകുക. 5 എണ്ണം വരെ 5 പ്രാവശ്യം. മറുവശവും 5 പ്രാവശ്യം ചെയ്യുക.