സൗദിയില് താമസാനുമതി രേഖയായ ഇഖാമ പുതുക്കി നല്കുന്നതില് വീഴ്ച വരുത്തുന്ന സ്പോണ്സര്ക്ക് പിഴ ചുമത്തുമെന്ന് പാസ്പോര്ട്ട് വിഭാഗമായ ജവാസാത്ത് അറിയിച്ചു. സ്പോണ്സര്ക്ക് സര്ക്കാരില്നിന്ന് ലഭിക്കുന്ന ഇ- സേവനങ്ങള് റദ്ദാക്കുകയും ചെയ്യും.
ആശ്രിതരുടെ ഇഖാമ, അബ്ഷിര് സംവിധാനം വഴിയോ മുഖീം പോര്ട്ടലിലൂടെയോ അവധിക്ക് മുമ്പ് പുതുക്കാത്ത വിദേശികള്ക്കും ഈ നിയമം ബാധകമാകുമെന്ന് ജവാസാത്ത് വ്യക്തമാക്കി. ഒരിക്കല് രേഖയുടെ കാലാവധി തീര്ന്നാല് പിന്നീട് സര്ക്കാരിന്റെ ഔദ്യോഗിക സേവനങ്ങള് ലഭിക്കില്ല. നിയമ ലംഘനം ആവര്ത്തിക്കുന്ന പക്ഷം ശിക്ഷയും ഇരട്ടിക്കും. ഇഖാമക്ക് പകരം അഞ്ച് വര്ഷം കാലാവധിയുള്ള മുഖിം കാര്ഡ് 2015 ഒക്ടോബര് മുതലാണ് പാസ്പോര്ട്ട് വിഭാഗം നല്കിത്തുടങ്ങിയത്. അഞ്ചു വര്ഷം കാലവധി കാര്ഡിനുണ്ടെങ്കിലും വര്ഷാവര്ഷം ഓണ്ലൈന് വഴി പുതുക്കണം