റിയാദ് : ഖമീസ്‌ മുഷൈത്തിലെ ജാമിഅ അൽ കബീറിലെ ഇമാം ഷെയ്ഖ്‌ അഹ്മദ്‌ ഹവാശി മൂന്ന് ദിവസത്തെ തറാവീഹ് നമസ്ക്കാരം കഴിഞ്ഞപ്പോഴേക്കും ഖുർആൻ മുഴുവനായും പാരായണം ചെയ്തു. ഖുർആനിലെ 114 അധ്യായങ്ങളും മൂന്നു ദിവസത്തെ തറാവീഹ് നമസ്‌കാരത്തിലാണ് അദ്ദേഹം പാരായണം ചെയ്‌തത്‌ . സുബ്‌ഹ്‌ നമസ്ക്കാരത്തിന്റെ അൽപ്പം മുമ്പായാണ് ഈ പള്ളിയിലെ സുദീർഘമായ തറാവീഹ് നമസ്ക്കാരം അവസാനിക്കാറുള്ളത്‌. റമസാൻ പൂർത്തിയാകുമ്പോഴേക്കും 10 തവണ ഖുർ ആൻ മുഴുവനായും പാരായണം ചെയ്തു തീർക്കലാണ് ഷെയ്ഖിൻ്റെ കഴിഞ്ഞ കാലങ്ങളിലുള്ള രീതി. ഇത്തവണയും അത് തുടരാനാണ് തീരുമാനം.
×