ആമിർഖാൻ ചിത്രമായ ‘ദംഗലി’ലൂടെ പ്രശസ്തിയിലേക്കുയർന്ന സൈറ വാസിം സഞ്ചരിച്ച കാർ ശ്രീനഗറിൽ അപകടത്തിൽപെട്ടു. താരവും ഒപ്പമുണ്ടായിരുന്ന സുഹൃത്തും പരുക്കേൽക്കാതെ രക്ഷപ്പെട്ടു. കഴിഞ്ഞ ദിവസം രാത്രി ദാൽ തടാകത്തോടു ചേർന്നുള്ള റോഡിലാണ് അപകടം. അമിത വേഗത്തിലെത്തിയ കാർ നടപ്പാതയും കടന്നു പാരപ്പറ്റിൽ ഇടിച്ചു നിൽക്കുകയായിരുന്നു. ആർക്കും പരുക്കേൽക്കുകയോ മറ്റു നഷ്ടമോ ഉണ്ടാകാത്തതിനാൽ പൊലീസ് കേസെടുത്തില്ല. ദംഗലിൽ ഗീത ഫോഗട്ടിന്റെ ചെറുപ്പകാലമാണു പതിനാറുകാരിയായ സൈറ അവതരിപ്പിച്ചത്.
×