പാലക്കാട് നഗരത്തിലെ ജി.ബി. റോഡിൽ വസ്ത്രവ്യാപാര ശാലയിൽ മോഷണം. കെട്ടിടത്തിന്റെ പിൻവശത്തുളള ഗോവണി മുഖേന കയറിയ മോഷ്ടാവ് ഷട്ടറിന്റെ പൂട്ട് പൊളിച്ചാണ് കടയുടെ ഉളളിൽ കയറിയത്. രണ്ടു ലക്ഷം രൂപ നഷ്ടപ്പെട്ടു. കടയില്‍ മോഷണം നടത്തുന്നതിന്റെ ദൃശ്യങ്ങള്‍ സിസിടിവിയില്‍ പതിഞ്ഞു. ഇതിന്റെ അടിസ്ഥാനത്തിലാണ് അന്വേഷണം പുരോഗമിക്കുന്നത്. പാലക്കാട് ടൗൺ നോർത്ത് പൊലീസാണ് കേസ് അന്വേഷിക്കുന്ത്. കഴിഞ്ഞ രാത്രിയിൽ ഒരുമണിക്കും പുലർച്ചെ നാലിനും മധ്യേയായിരുന്നു മോഷണം. അന്യസംസ്ഥാന കവര്‍ച്ചാ സംഘമാണോ കവര്‍ച്ചയ്ക്ക് പിന്നിലെന്ന് പൊലീസ് സംശയിക്കുന്നുണ്ട്.
×