ഏതൊരു പ്രതിസന്ധിയിലും, മനുഷ്യനെ മുന്നോട്ടു നയിക്കുന്നത്, അണയാത്ത പ്രതീക്ഷയുടെയും പ്രത്യാശയുടെയും ഇത്തിരിവെട്ടമാണ്. ഈ കാലവും മറികടക്കാമെന്ന ആത്മവിശ്വാസം നിറയ്ക്കുന്ന പ്രത്യാശ. കടിഞ്ഞാണില്ലാതെ കോവിഡ് കുതിക്കുമ്പോൾ, രോഗവ്യാപനം നടുക്കുമ്പോൾ, മരണങ്ങൾ ഉലയ്ക്കുമ്പോൾ, ലോകത്തിനു മുന്നിൽ ഒരേയൊരു പ്രത്യാശ മാത്രം, വാക്സീൻ.. വാക്സീന് എന്നെത്തും? ഇനിയുമെത്ര ദൂരം താണ്ടണം, വൈറസിനെ ചെറുക്കാൻ വാക്സീൻ പടച്ചട്ട എന്ന പ്രതീക്ഷ സഫലമാകാൻ?