പിഞ്ചുകുഞ്ഞിനെ വീട്ടില്‍ ഉപേക്ഷിച്ച് അവധിആഘോഷിക്കാന്‍ പോയ അമ്മയ്ക്ക് ജീവപര്യന്തം തടവ്ശിക്ഷ. യുഎസില്‍ നിന്നുള്ള 32 കാരിയായ യുവതിയാണ് തന്‍റെ 16 മാസം മാത്രം പ്രായമുള്ള കുഞ്ഞിനെ ഉപേക്ഷിച്ച് അവധിആഘോഷിക്കാന്‍ പോയത്. അമ്മ അവധി ആഘോഷിക്കാന്‍ പോയതോടെ 10 ദിവസം വീട്ടില്‍ തനിച്ചായിരുന്ന കുഞ്ഞ് മരിച്ചു. ക്രിസ്റ്റല്‍ കാൻഡലാരിയോ എന്ന സ്ത്രീയാണ് കുഞ്ഞിനെ ഉപേക്ഷിച്ച് അവധിക്കാലം ആഘോഷിക്കാന്‍ പോയതെന്ന് ഫോക്സ് ന്യൂസ് റിപ്പോര്‍ട്ട് ചെയ്യുന്നു.
ഡെട്രോയിറ്റിലും പ്യൂർട്ടോ റിക്കോയിലും അവധിക്കാലം ആഘോഷിക്കാനാണ് യുവതി പോയത്. വേനൽക്കാലത്ത് ഭക്ഷണമോ വെള്ളമോ ഇല്ലാതെ മകൾ ജയിലിനെ ഉപേക്ഷിച്ച് അവർ വിശ്വാസവഞ്ചന ചെയ്തുവെന്ന് ജഡ്ജി പറഞ്ഞു. പ്രോസിക്യൂട്ടർമാർ പറയുന്നതനുസരിച്ച്, കഴിഞ്ഞ വർഷം ജൂണിലാണ് കാൻഡെലാരിയോ തന്‍റെ മകളെ ക്ലീവ്‌ലാൻഡിലെ വീട്ടിൽ ഒറ്റയ്ക്ക് ഉപേക്ഷിച്ച് അവധി ആഘോഷിക്കാന്‍ പോയത്. 10 ദിവസത്തിന് ശേഷം തിരിച്ചെത്തിയപ്പോൾ കുഞ്ഞിന് അനക്കമില്ലെന്ന് കാണുകയും പൊലീസിനെ വിളിക്കുകയും ചെയ്തു. ക്ലീവ്‌ലാൻഡ് പൊലീസും ക്ലീവ്‌ലാന്‍റ് ഫയര്‍ഫോഴ്സും സ്ഥലത്ത് എത്തി കുട്ടിയെ പരിശോധിച്ചപ്പോള്‍ കുഞ്ഞ് മരിച്ചതായി മനസിലാക്കി.
സിപിഡിയുടെ ഹോമിസൈഡ് യൂണിറ്റ് നടത്തിയ അന്വേഷണത്തിൽ കാൻഡലാരിയോ തന്‍റെ കുട്ടിയെ തനിച്ചാക്കി ജൂൺ 6 മുതൽ ജൂൺ 16 വരെ ഡെട്രോയിറ്റ്, മിഷിഗൺ, പ്യൂർട്ടോ റിക്കോ എന്നിവിടങ്ങളിൽ അവധിക്കാലം ആഘോഷിക്കാൻ പോയതായി കണ്ടെത്തി. മരണസമയത്ത് കുഞ്ഞ് ജെയ്‌ലിൻ നിർജ്ജലീകരണത്തിലായിരുന്നുവെന്നും ഓഫീസ് കൂട്ടിച്ചേർത്തു.
തനിക്ക് വിഷാദരോഗവും മറ്റ് മാനസികാരോഗ്യ പ്രശ്‌നങ്ങളും ഉള്ളതായി ക്രിസ്റ്റല്‍ കാൻഡലാരിയോ കോടതിയെ അറിയിച്ചു. കുഞ്ഞ് ജെയ്‌ലിൻ നഷ്ടപ്പെട്ടതിൽ എനിക്ക് വളരെയധികം വേദനയുണ്ടെന്നും അവർ കോടതിയിൽ പറഞ്ഞു. സംഭവിച്ച എല്ലാ കാര്യങ്ങളിലും ഞാൻ അങ്ങേയറ്റം വേദനിക്കുന്നു. എന്‍റെ പ്രവൃത്തികളെ ന്യായീകരിക്കാൻ ഞാൻ ശ്രമിക്കുന്നില്ല, എന്നാൽ ഞാൻ എത്രമാത്രം കഷ്ടപ്പെടുന്നുവെന്നും ഞാൻ എന്താണ് അനുഭവിക്കുന്നതെന്നും ആർക്കും അറിയില്ലെന്നും ക്രിസ്റ്റല്‍ കാൻഡലാരിയോ കോടതിയില്‍ പറഞ്ഞു.
