ശാരീരിക പരിമിതികളെ മികവും ആത്മവിശ്വാസവും കൊണ്ട് കീഴടക്കി ലോകശ്രദ്ധ പിടിച്ചുപറ്റിയ വിദ്യാര്ഥിയാണ് ആസിം വെളിമണ്ണ. പാരാ സ്വിമ്മിങ്ങിൽ പങ്കെടുക്കുക എന്ന സ്വപ്നവുമായി നടക്കുന്ന ആസിമിന് പത്താം ക്ലാസ് പരീക്ഷയില് മികച്ച വിജയമാണ് നേടാനായത്. ആസിമിനെ അഭിനന്ദിച്ച് മന്ത്രി മുഹമ്മദ് റിയാസ് രംഗത്ത് എത്തി.‘ പ്രതിസന്ധികളിൽ തളരാതെ നമ്മുടെ ആസിം വെളിമണ്ണ മുന്നേറുകയാണ്. പത്താം ക്ലാസ്സ് പരീക്ഷയിൽ ഉന്നത വിജയം നേടിയ ലോക റെക്കോർഡുകാരന് അഭിനന്ദനങ്ങൾ’ എന്നാണ് മന്ത്രി കുറിച്ചത്.