ആപ്പിൾ ഐഫോൺ Xന്റെ വരവ് ഏറെ പ്രതീക്ഷയോടെയാണ് ഫോൺപ്രേമികൾ കാത്തിരുന്നത്.പ്രിയപ്പെട്ട ഫോൺകൈപറ്റാനുള്ള കാത്തിരിപ്പും ആകാംഷയും പറഞ്ഞറിയിക്കാനാവാത്തതാണ്. എന്നാലും താനെ സ്വദേശി മഹേഷ് പലിവാലെന്ന യുവാവിന്റെ അത്ര ആവേശം ഫോൺകൈപറ്റാൻ മറ്റാർക്കും ഉണ്ടാവില്ല.
കുതിരപ്പുറത്തേറി, ബാൻഡ്മേളത്തോടെയാണ് യുവാവ് ആപ്പിൾ ഐഫോൺ വാങ്ങാൻ എത്തിയത്. ഐ ലൗവ് ആപ്പിൾ ഐഫോൺ X എന്ന ബാനറും നിവർത്തിപിടിച്ചിരുന്നു.
കടയിലെത്തിയെ മഹേഷിനെ ആവേശത്തോടെയാണ് കടയുടമയും സ്വീകരിച്ചത്. കുതരപ്പുറത്തിരുന്ന യുവാവിന്റെ കൈയിൽ കടയുടമ ഐഫോൺ ഏൽപ്പിച്ചു. ഒക്ടോബർ 27 മുതൽ ഐഫോൺ മുൻകൂർ ബുക്കിങ് അനുവദിക്കുന്നുണ്ടായിരുന്നു. 84,000 മുതൽ 1,02,000 വരെയാണ് ഐഫോൺ X ന്റെ വില.
