ലോകകപ്പ് സെമിയിൽ ന്യൂസിലാൻഡിനോട് തോറ്റ് ടീം ഇന്ത്യ പുറത്തായതിന് പിന്നാലെ മഹേന്ദ്രസിങ് ധോണി വിരമിക്കുന്ന ചർച്ചകൾ സജീവമായിരുന്നു. എന്നാൽ ധോണി വിരമിക്കരുത് എന്നാണ് ഒരുവിഭാഗം ആരാധകരുടെ ആവശ്യം. ധോണി വിരമിക്കരുത് എന്ന ഹാഷ്ടാഗ് ട്വിറ്ററിൽ ട്രെൻഡിങ് ലിസ്റ്റിലുണ്ട്.
ഈ ലോകകപ്പിന് ശേഷം ധോണി വിരമിക്കുമെന്ന് നേരത്തെ സൂചനകളുണ്ടായിരുന്നു. സെമിയിലെ തോൽവിയോടെ ധോണി ഉടൻ വിരമിക്കുമെന്ന വാർത്തകൾ പ്രചരിച്ചിരുന്നു. ഇതോടെയാണ് ധോണി വിരമിക്കരുതെന്ന് ട്വിറ്ററിൽ ആരാധകർ ആവശ്യപ്പെട്ടിരിക്കുന്നത്.
#donotretiredhoni എന്ന ഹാഷ്ടാഗ് ആണ് ട്വിറ്ററിൽ പ്രചരിക്കുന്നത്. 18 റൺസിനായിരുന്നു ഇന്ത്യയുടെ തോൽവി. മൂന്ന് മുൻനിരവിക്കറ്റുകൾ നഷ്ടമായതാണ് ഇന്ത്യക്ക് തിരിച്ചടിയായത്. ധോണിയെത്തിയതോടെ നേരിയ പ്രതീക്ഷ. എന്നാൽ അപ്രതീക്ഷിതമായി ധോണി റണ്ണൗട്ടായി. പതിനെട്ട് റൺസിന് ജയിച്ച ന്യൂസിലാന്‍ഡ് ഫൈനലിലെത്തി.
