പാക്കിസ്ഥാൻ ജഴ്സിയിലെ ആ പേര് കണ്ട് ക്രിക്കറ്റ് ലോകം ഒന്നു പകച്ചു. കാരണം മറ്റൊന്നുമല്ല, ആ ജഴ്സിയിൽ എഴുതിയിരിക്കുന്നത് ഇന്ത്യൻ ക്രിക്കറ്റ് താരം എംഎസ് ധോണിയുടെ പേരായിരുന്നു. കണ്ടത് വിശ്വസിക്കാനാകാതെ ഒന്നു കൂടി സൂക്ഷിച്ചു നോക്കി. അതെ ധോണിയുടെ പേര് തന്നെ. എന്താണ് ഈ ചേതോവികാരത്തിനു പിന്നിലെന്നറിയാനായി പിന്നെ അന്വേഷണം.
പാക്കിസ്ഥാനി ആരാധകനായ ഷെഹ്സാദ് ഉൾ ഹസ്സൻ എന്ന ക്രിക്കറ്റ് പ്രേമിയാണ് ഈ കുസൃതി ഒപ്പിച്ചത്. പാക്കിസ്ഥാനെ അകമഴിഞ്ഞ് പിന്തുണക്കുമ്പോഴും ധോണിയുടെ കടുത്ത ആരാധകൻ കൂടിയാണ് ഇയാൾ. ഇതിനായി പാക്കിസ്ഥാൻ ജഴ്സിയിൽ ധോണിയുടെ പേരും ഏഴാം നമ്പറും പ്രിന്റ് ചെയ്തു വാങ്ങുകയായിരുന്നു.
ജൂൺ 16 ന് ഓൾഡ് ട്രാഫോഡിലാണ് ക്രിക്കറ്റ് ലോകം കാത്തിരിക്കുന്ന ഇന്ത്യ–പാക്കിസ്ഥാൻ പോരാട്ടം.
