പന്ത്രണ്ടാമൻ ഇല്ലാതെ ബ്ലാസ്റ്റേഴ്സ് ഇറങ്ങുമോ? ആശങ്കയോടെ വോട്ടെടുപ്പ്

12th-man-manjappada
Image Courtesy: ISL
SHARE

കേരള ബ്ലാസ്റ്റേഴ്‌സിന്‍റെ എക്കാലത്തെയും കരുത്ത് ടീമിലെ പന്ത്രാണ്ടാമൻ എന്ന് വിശേഷിപ്പിക്കുന്ന ആരാധകരണ്. എന്നാൽ ഐഎസ്എല്‍ അഞ്ചാം സീസണില്‍ കേരള ബ്ലാസ്റ്റേഴ്‌സിന്‍റെ പ്രകടനത്തില്‍ മഞ്ഞപ്പട ആരാധകര്‍ ഒട്ടും തൃപ്‌തരല്ല. ടീമിന്റെ മോശം പ്രകടനത്തിൽ മഞ്ഞപ്പട നേരത്തെ തന്നെ നിലപാട് വ്യക്തമാക്കിയിരുന്നു. പരിശീലകനെതിരെ നിലപാട് വ്യക്തമാക്കി മാനേജ്മെന്‍റിന് മഞ്ഞപ്പട നേരത്തെ കത്തയച്ചിരുന്നു. ക്ലബിന്‍റെ മോശം പ്രകടനത്തിലുള്ള ആരാധകരുടെ ഈ അതൃപ്തി കൂടുതല്‍ വ്യക്തമാകുന്ന സംഭവങ്ങളാണ് മഞ്ഞപ്പടയുടെ ഫേസ്ബുക്ക് പേജില്‍ അരങ്ങേറുന്നത്. 

നാലാം തിയതി ജെംഷഡ്പൂരിനെതിരെ നടക്കുന്ന ഹോം മാച്ച് കാണാന്‍ നിങ്ങള്‍ പോകുമോ എന്ന് ചോദിച്ച് മഞ്ഞപ്പട ഫേസ്ബുക്കില്‍ വോട്ടെടുപ്പ് സംഘടിപ്പിച്ചു. വോട്ട് ചെയ്തവരില്‍ 84 ശതമാനം പേരും കളി ബഹിഷ്‌കരിക്കും എന്നാണ് രേഖപ്പെടുത്തിയത് ഇത് വരെ രേഖപ്പെടുത്തിയിരിക്കുന്നത്. ഇതോടെ ജെംഷഡ്പൂരിനെതിരായ മത്സരത്തില്‍ മഞ്ഞപ്പടയുടെ ഗാലറി നിറയില്ല എന്ന സൂചനകളാണ് പുറത്തുവരുന്നത്. 

വോട്ടെടുപ്പിന് പിന്നാലെ വിശദീകരണ പോസ്റ്റുമായി മഞ്ഞപ്പട രംഗത്തെത്തി. "മാനേജ്മെന്റിന്റെ നയങ്ങൾക്കെതിരെയുള്ള ശക്തമായ ഒരു താക്കീതായി വേണം വോട്ടെടുപ്പിനെ കാണാന്‍. ടീമിനുള്ളിലെ പ്രശ്നങ്ങൾ നല്ല രീതിയിൽ പരിഹരിച്ചു മുന്നോട്ടുപോകാൻ ആയില്ലെങ്കിൽ വരുംനാളുകളിൽ ഒഴിഞ്ഞ ഗാലറികളായിരിക്കും നിങ്ങളെ സ്വാഗതം ചെയ്യുക. കോച്ചിന്റെ ലോങ് ബോൾ ടാക്ടിക്സ് കാണാൻ വേണ്ടിയല്ല ഞങ്ങൾ സ്റ്റേഡിയത്തിലേക്ക് വരുന്നതെന്നും" ഡേവിഡ് ജെയിംസിനെ ലക്ഷ്യംവെച്ച് മഞ്ഞപ്പട കുറിച്ചു. 

ഫെയ്സ്ബുക്ക് പോസ്റ്റിന്റെ പൂർണ്ണരൂപം

കേരള ബ്ലാസ്റ്റേഴ്സിന്റെ മോശം പ്രകടനങ്ങൾ കണ്ടു വിഷമിച്ചിരിക്കുന്ന ഈ അവസരത്തിൽ മഞ്ഞപ്പട ആരാധകർക്കിടയിൽ ഒരു വോട്ടിംഗ് നടത്തുകയുണ്ടായി.

അടുത്ത ഹോം മാച്ചിൽ നമ്മൾ കളി കാണാൻ പോകണമോ വേണ്ടയോ എന്നതായിരുന്നു ചോദ്യം. ഞങ്ങൾ പ്രതീഷിച്ചതിനെക്കാളേറെ പ്രതികരണങ്ങൾ ആരാധകരുടെ ഭാഗത്തു നിന്ന് ലഭിക്കുകയുണ്ടായി. മാനേജ്മെന്റിന്റെ നയങ്ങൾക്കെതിരെയുള്ള ശക്തമായ ഒരു താക്കീതായി വേണം ഇതിനെ കാണാൻ. ടീമിനുള്ളിലെ പ്രശ്നങ്ങൾ നല്ല രീതിയിൽ പരിഹരിച്ചു മുന്നോട്ടു പോകാൻ നിങ്ങൾക്കായില്ലെങ്കിൽ വരും നാളുകളിൽ ഒഴിഞ്ഞ ഗാലറികളായിരിക്കും നിങ്ങളെ സ്വാഗതം ചെയ്യുക. ഓരോ മത്സരങ്ങൾ കഴിയുന്തോറും ടീമിനെ കുറിച്ചുള്ള മതിപ്പു പതിയെ പതിയെ ആരാധകർക്ക് ഇല്ലാതായിക്കൊണ്ടിരിക്കുകയാണ്. സ്റ്റേഡിയം തിങ്ങി നിറഞ്ഞു കാണികൾ വരുന്നത് നല്ല മത്സരങ്ങൾ കാണാനുള്ള അവരുടെ അടങ്ങാത്ത ആവേശം ഒന്നു കൊണ്ട് മാത്രമാണ്. എന്നാൽ ഇപ്പോൾ സംഭവിക്കുന്നത് ഈ ശക്തമായ ആരാധക കൂട്ടായ്മയെ മുതലെടുത്തുകൊണ്ടു മാനേജ്മെന്റിന്റേതായ കാര്യങ്ങൾ നടത്തുക മാത്രമാണ്. ഫുട്ബോൾ എന്ന മന്ത്രികതയോടുള്ള സ്നേഹവും അടങ്ങാത്ത ആവേശവും ഒക്കെയാണ് ഈ ആരാധകരെ ഒന്നിച്ചു നിർത്തുന്നത്. ഇപ്പോഴുള്ള രീതി തുടരാൻ തന്നെയാണ് തീരുമാനം എങ്കിൽ ടീമിന്റെ ജയത്തിലും തോൽവിയിലും 'നമ്മൾക്ക് നമ്മളുണ്ട് ' എന്ന ആപ്തവാക്യത്തിൽ ഉറച്ചു നിന്ന അതെ ഫാൻസ് തന്നെ ടീമിനെ തിരിഞ്ഞു നോക്കാത്ത അവസ്ഥ അധികം വൈകാതെ സംജാതമാകും.ഒഴിഞ്ഞ ഗാലറികൾ തന്നെ വേണം എന്നാണ് നിങ്ങളുടെ കാഴ്ചപ്പാടെങ്കിൽ അത് അധികം വൈകാതെ സംഭവിക്കും. കോച്ചിന്റെ ലോങ്ങ്‌ ബോൾ ടാക്ടിക്സ് കാണാൻ വേണ്ടിയല്ല ഞങ്ങൾ സ്റ്റേഡിയത്തിലേക്ക് വരുന്നത്. ഇതിനു മുകളിൽ ഒന്നും തന്നെ അദ്ദേഹത്തിന്റെ പക്കലില്ല എന്ന് ഇതുവരെയുള്ള കളികളിൽ നിന്ന് ഞങ്ങൾക്ക് മനസ്സിലായി. ഈ സീസണിൽ കുറച്ചു നല്ല താരങ്ങളെ നമുക്ക് ലഭിച്ചിട്ടുണ്ട്. അവരുടെ കഴിവുകൾ നല്ല രീതിയിൽ പ്രയോജനപ്പെടുത്താൻ ഇതുവരെ ശ്രമിച്ചിട്ടില്ല. ഇനി ഉണ്ടാകും എന്ന വിശ്വാസവും ഞങ്ങൾക്കില്ല. നിങ്ങൾ ചെയ്യേണ്ടത് എത്രയും വേഗം ചെയ്താൽ അത്രയും നല്ലത്. ഇല്ലെങ്കിൽ ഒഴിഞ്ഞ ഗാലറികളിൽ കളിക്കേണ്ട ഗതികേട് അടുത്ത് തന്നെ സംഭവിക്കും.

ക്ലബിനിനോടുള്ള അടങ്ങാത്ത സ്നേഹത്തോടെ,

മഞ്ഞപ്പട

We have been conducting a poll regarding whether or not to attend next game. We have been receiving overwhelming response suggesting not to attend. This is a harsh reminder to our management. If you don't make ammends to rectify the issues within the team, even a mass boycott can happen. Its time you realise that you are slowly loosing ground among the fans. We have always filled the stadiums, expecting to see good football. What have you given back to us apart from taking us for granted. All we wanted is to see good football, which is clearly not happening right now. Instead you took advantage of our passion and never cared about our emotions towards the club. These are the same fans who filled the stands and supported the team through thick and thin. We don't intend to boycott our club's matches as our moto itself is 'Nammalk Nammalund'. But if you don't stop taking advantage of that, this is going to hapen real soon. If not next match, surely the one after that. The decline in attendance will help in giving a better insight. We don't come to stadium to see this long ball tactics that doesnt suite Indian Football. The coach doesn't know any better either. We have got some really good players this season, who were under utilized by our coach. This all leads to one inevitable solution. The sooner you do it, the better it is.

Forever in love with the club,

Manjappada

MORE IN SPORTS
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.