മലപ്പുറം കല്‍പകഞ്ചേരിയില്‍ പ്രായപൂര്‍ത്തിയാകാത്ത വിദ്യാര്‍ഥിനിയെ പീഡിപ്പിച്ച മത അധ്യാപകൻ ഒളിവിൽ. രക്ഷിതാക്കളുടെ പരാതിയിൽ പോക്സോ പ്രകാരം പൊലീസ് കേസെടുത്തതോടെ പ്രതി ഒളിവിൽ പോയത്. പ്രതിയുടെ മൊബൈൽ ഫോൺ കേന്ദ്രീകരിച്ച് പൊലീസ് അന്വേഷണം വ്യാപിപിച്ചു.
കൽപ്പകഞ്ചേരിയിലെ അറബിക് കോളേജ് അധ്യാപകനായ സലാഹുദ്ദീൻ ബുഖാരി തങ്ങളാണ്, ഇതേ കോളേജിലെ വിദ്യാർഥിനിയെ വിവാഹ വാഗ്ദാനം നൽകി പീഡിപ്പിച്ചത്. പീഡനവിവരം പതിനേഴുകാരി തന്നെയാണ് രക്ഷിതാക്കളോട് പറഞ്ഞത്. തുടർന്ന് ചൈൽഡ് ലൈനിൽ പരാതി നൽകി. ചൈൽഡ് ലൈൻ അധികൃതർ പരാതി കൽപ്പകഞ്ചേരി പൊലീസിന് കൈമാറി.
വിദ്യാർഥിനിയുടെ രഹസ്യ മൊഴി രേഖപ്പെടുത്തിയ പൊലീസ് പൊക്സോ വകുപ്പ് പ്രകാരം കേസ് രജിസ്റ്റർ ചെയ്ത് അന്വേഷണം ആരംഭിച്ചു. എന്നാൽ കേസുമായി ബന്ധുക്കൾ മുന്നോട്ട് പോയതോടെ പ്രതി ഒളിവിൽ പോവുകയായിരുന്നു. കോളേജിലെ മറ്റു വിദ്യാർഥിനികളെയും വിവാഹ വാഗ്ദാനം നൽകി പീഡിപ്പിച്ചിട്ടുണ്ടെന്നും പരാതികളുയർന്നിട്ടുണ്ട്. ഇകാര്യവും പൊലീസ് അന്വേഷിക്കുന്നുണ്ട്.
