ലോക്സഭാ തിരഞ്ഞെടുപ്പിനോടനുബന്ധിച്ച് കേൾവി-സംസാര പരിമിതർക്കായി ആംഗ്യഭാഷയിലുള്ള വീഡിയോ കോൾ സംവിധാനവും പത്ത് ഭാഷയിലുള്ള കോൾ സെന്ററും. കാസർകോട് കലക്ട്രേറ്റിലാണ് ഈ തിരഞ്ഞെടുപ്പ് കൺട്രോൾ റൂം.
ഇന്ത്യയിൽ ആദ്യമായി കേൾവി പരിമിതർക്കായി ഒരു തിരഞ്ഞെടുപ്പ് കൺട്രോൾ റൂം. സംശയ നിവാരണത്തിനായി കോൾ സെന്ററിലേക്ക് വിളിക്കാം, ഉദ്യോഗസ്ഥർ മറുപടി ആംഗ്യ ഭാഷയിൽ നൽകും. ജില്ലയ്ക്കകത്തും പുറത്തുമുള്ള ഏതൊരു വോട്ടർക്കും ഈ സേവനം പ്രയോജനപെടുത്താം.
സപ്തഭാഷകളായ മലയാളം, കന്നട, ബ്യാരി, തുളു, ഉറുദു, കൊങ്കിണി, മറാഠി എന്നീ ഭാഷകൾക്ക് പുറമേ ഇംഗ്ലീഷ്, ഹിന്ദി, തമിഴ് ഭാഷകളിലും സംശയങ്ങൾ ചോദിക്കാം. അതത് ഭാഷകളിൽ പ്രാവീണ്യമുള്ള കാസർകോട് ജില്ലക്കാരായ ഉദ്യോഗസ്ഥരാണ് വോട്ടർമാർക്ക് മറുപടി നൽകുന്നത്.