കുറ്റിക്കാടിന് നടുവില്‍ ഇഴജന്തുക്കളെ ഭയന്ന് കുരുന്നുകളുടെ പഠനം. പഴയമൂന്നാറിലെ അംഗന്‍വാടിയുടെ പരിസരമാണ് കാടുകയറി ഇഴ ജന്തുക്കളുടെ താവളമായത്.
ഇടുക്കിയില്‍ കാടുകയറിയ സ്‌കൂളുകളും അംഗന്‍വാടികളും ശുചീകരിക്കുന്നതിന് വിദ്യാഭ്യാസ വകുപ്പ് നിര്‍ദേശം നല്‍കിയെങ്കിലും പതിനഞ്ച് കുരുന്നുകള്‍ പഠിക്കുന്ന പഴയമൂന്നാറിലെ ഈ അംഗന്‍വാടിയുടെ പരിസരം വൃത്തിയാക്കുന്നതിന് നടപടിയില്ല. ഇവിടമാകെ ഇഴജന്തുക്കളുടെ താവളമാണ്. ഇഴജന്തുക്കളെ സ്ഥിരമായി കാണാറുണ്ടെന്ന് കുട്ടികള്‍ പറയുന്നു.
മലിന ജലം ഒഴുകി പോകുന്നതിനും സംവിധാനമില്ല.സ്കൂള്‍മുറ്റത്തെ ഈ വെള്ളക്കെട്ട് കുട്ടികളിലടക്കം രോഗങ്ങള്‍ പടരുന്നതിന് കാരണമാകും. തോട്ടം തൊഴിലാളികളുടെ കുട്ടികളാണ് ഇവിടെ പഠിക്കുന്നത്. കുട്ടികളുടെ സുരക്ഷ ഉറപ്പാക്കുന്നതിനും, സ്കൂള്‍ പരിസരം ശുചീകരിക്കുന്നതിനും നടപടി സ്വീകരിക്കണമെന്നാണ് ആവശ്യം.
