മലയാളികള്ക്ക് പാട്ടിലൂടെ ഓണാശംസകളുമായി കൊച്ചി സിറ്റി പൊലീസ്. എറണാകുളം സെന്ട്രല് പൊലീസ് സ്റ്റേഷനിലെ ഉദ്യോഗസ്ഥരാണ് ഓര്മപ്പൂക്കാലം എന്ന വീഡിയോ ആല്ബത്തിന് പിന്നില്.
കാലം മായ്ക്കാത്ത ഓണക്കാല ഓര്മകളുമായാണ് കൊച്ചി സിറ്റി പൊലീസിന്റെ വീഡിയോ ആല്ബം തയാറാക്കിയിരിക്കുന്നത്. നാല് സുഹൃത്തുക്കളുടെ കുട്ടിക്കാല ഓര്മകളുടെ വീണ്ടെടുപ്പിന്റെ കഥ.
എറണാകുളം സെന്ട്രല് സ്റ്റേഷനിലെ സീനിയര് സി.പി.ഒ മനോജ് കാക്കൂര് എഴുതിയ വരികള് ആലപിച്ചിരിക്കുന്നത് ഇതേ സ്റ്റേഷനിലെ സി.ഐ എസ്.വിജയശങ്കര്. സംവിധായകനും അഭിനേതാക്കളും പൊലീസുകാര് തന്നെ.സമൂഹമാധ്യമങ്ങളിലടക്കം മികച്ച പ്രതികരണം ലഭിക്കുന്നതിന്റെ ആവേശത്തിലാണ് പൊലീസുകാര്.