കൊച്ചി സിറ്റി പൊലീസിന് ഒാണദിവസമേര്‍പ്പെടുത്തിയ അവധി നിയന്ത്രണം നീക്കി . ജോലി സമയം പുനക്രമീകരിക്കാന്‍ സിറ്റി പൊലീസ് കമ്മീഷണര്‍ നിര്‍ദേശം നല്‍കി . ഇതനുസരിച്ച് അവധി നല്‍ിയ ഉദ്യോഗസ്ഥരില്‍ പകുതിപ്പേര്‍ക്ക് ഒാണദിവസവും ശേഷിക്കുന്നവര്‍ക്ക് അവിട്ടം നാളിലും അവധി ലഭിക്കും . ക്രമസമാധാന ചുമതലകളെ ബാധിക്കാത്ത രീതിയിലായിരിക്കും പുതിയ ക്രമീകരണം . ഒാണദിവസങ്ങളിലെ നിര്‍ബന്ധിത ഡ്യൂട്ടിക്കെതിരെ പൊലീസുകാര്‍ രംഗത്തെത്തിയ വിവരം മനോരമ ന്യൂസാണ് റിപ്പോര്‍ട്ട് ചെയ്തത് . ദക്ഷിണേന്ത്യയിലെ ഭീകരാക്രമണം മുന്നറിയിപ്പും കൊച്ചിയിലെ ട്രാഫിക് കുരുക്കും കണക്കിലെടുത്താണ് മുഴുവന്‍ പൊലീസ് ഉദ്യോഗസ്ഥര്‍ക്കും ഒാണനാളുകളില്‍ ഡ്യൂട്ടി നിര്‍ബന്ധമാക്കിയത്.
