ഓശാന ചടങ്ങുകളില്‍ പങ്കെടുത്ത് സ്ഥാനാര്‍ഥികളും. പ്രചാരണത്തിരക്കിനിടെയാണ് സ്ഥാനാര്‍ഥികള്‍ ദേവാലയങ്ങളിലെത്തിയത്. എറണാകുളത്തെ യുഡിഎഫ് സ്ഥാനാര്‍ഥി ഹൈബി ഈഡനും ഭാര്യയും പൊറ്റക്കുഴി ലിറ്റല്‍ ഫ്ലവര്‍ പള്ളിയിലെ ഓശാനച്ചടങ്ങുകളില്‍ പങ്കെടുത്തു.
എറണാകുളത്തെ എന്‍ഡിഎ സ്ഥാനാര്‍ഥി അല്‍ഫോന്‍സ് കണ്ണന്താനം കൊച്ചി സെന്റ് മേരീസ് കത്തീഡ്രല്‍ ബസലിക്കയിലെ ചടങ്ങുകളില്‍ പങ്കെടുത്തു. പത്തനംതിട്ടയിലെ എല്‍ഡിഎഫ് സ്ഥാനാര്‍ഥി വീണ ജോര്‍ജ് പരുമല പള്ളിയിലും യുഡിഎഫ് സ്ഥാനാര്‍ഥി ആന്റോ ആന്റണി ഏന്തയാര്‍ സെന്റ് മേരീസ് പള്ളിയിലും പങ്കെടുത്തു.
കോട്ടയത്തെ യുഡിഎഫ് സ്ഥാനാര്‍ഥി തോമസ് ചാഴികാടന്‍ എസ്.എച്ച് മൗണ്ട് സേക്രഡ് ഹാര്‍ട്ട് പള്ളിയിലെ പ്രാര്‍ഥനകളില്‍ പങ്കെടുത്തു.
