വിമാനത്തിന്റെ ശബ്ദം കേട്ട് വിരണ്ടോടി ആന; പിന്നാലെയോടി പാപ്പാന്മാർ; പരിഭ്രാന്തി

elephant-tvm-13-03
SHARE

തിരുവനന്തപുരം വെണ്‍പാലവട്ടത്ത് ക്ഷേത്രോല്‍സവത്തിന് എത്തിച്ച ആന ഇടഞ്ഞോടിയത് പരിഭ്രാന്തി പരത്തി. നാല് കിലോമീറ്ററോളം ഓടിയ ആനയെ മണിക്കൂറുകള്‍ക്ക് ശേഷമാണ് തളച്ചത്. ജനവാസമേഖലയിലേക്ക് കടക്കാതിരുന്നത് അപകടം ഒഴിവാക്കി.

കരിക്കകം മൂലവിളാകം ക്ഷേത്രത്തിലെ ഉത്സവത്തിനെത്തിച്ചതായിരുന്നു പരവൂര്‍ സ്വദേശിയുടെ കണ്ണന്‍ എന്ന ആന. വെണ്‍പാലവട്ടത്തെത്തിച്ച് ലോറിയില്‍ നിന്ന് ഇറക്കിയതിന് തൊട്ടുപിന്നാലെയാണ് വിരണ്ടത്. ആദ്യം പാപ്പാന്‍മാരെ വിരട്ടിയോടിച്ചു. പിന്നീട് റോഡിലൂടെ ഓടി കായല്‍ തീരത്തെ പറമ്പില്‍ കയറി..

തളയ്ക്കാനായി പാപ്പാന്‍മാര്‍ പിന്നാലെ എത്തിയതോടെ ഓട്ടം തുടര്‍ന്നു. പരിസരത്തുണ്ടായിരുന്ന നാട്ടുകാരും ആശങ്കയിലായി.  ഒടുവില്‍ ആളൊഴിഞ്ഞ പ്രദേശത്തെ നിലയുറപ്പിച്ചതോടെ നാട്ടുകാരുടെ സഹായത്തോടെ വടം ഉപയോഗിച്ച് മരത്തില്‍ കെട്ടി തളയ്ക്കുകയായിരുന്നു.

ആന ഓടിയ പറമ്പിനപ്പുറം കായലാണ്. കായലില്‍ ചാടുമോയെന്ന ആശങ്കയുണ്ടായിരുന്നു. നാല് കിലോമീറ്ററോളം ഓടിയെങ്കിലും ആളപായമൊന്നും വരുത്തിയില്ല. വിമാനത്തിന്റെ ശബ്ദം കേട്ടതാണ് ആന ഇടയാന്‍ കാരണമെന്നാണ് പാപ്പാന്‍മാര്‍ പറയുന്നത്.

MORE IN KERALA
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.